ASEAN ram hna lak ah lulling katim lo tiah Xi-Jinping nih ati, Nu pakhat hi nau ngeih ding in Sizung akal lio ralhrang nih thih lak in an kah, Israel Parliament nih PM term fix ngeih khawh ding in Bill passed asi

Association of Southeast Asian Nations, or ASEAN member 10 umnak ram hna nih, virtual conference November 22 an ngeihnak ah Xi Jinping nih cun, “China nih inluling le power politics an ti mi cu, cu bantuk kasi lo, lulling ka tim bal lo tiah ati, pawngkam ram hna he hawitha si le ngeih hi, Hi ka region-ah remnak le hnangamnak um se tihi aduh kong achim, Ram hme mi ramhna cung ah lulling tim phun in akalpi hrimhrim lai lo tiin Xi-Jinping nih achim.

China nih hin South China Sea pumpi deng mang cu a ram bantuk in achim, mah ruang ah hin ASEAN member Malaysia, Vietnam, Brunei le Philippines hna nih mah tipi ram ah hin icuh nak an ngei dih khi asi, Xi-Jinping nih bia achim hlan ah hin Chinese coast guard lawng hme cu, Philippines lawng South China Sea shoal-ah um mi nih cun, China ralkap thil phur cu ti he an kah, South China Sea hi vawlei ah Rilipi arum bik chung ah tel in, Lawng kalnak lam pawimawh tuk mi asi, Nga/fish tamnak hmun zong asi, tipi tang ah oil le gas tampi a um fawn nak hmun arak si.

China hi Southeast Asian ram hna caah market pawimawh le investment tuahnak hmun bik zong asi, ASEAN ram hna nih cun Beijing he iremh lonak um khawh mi lak ah hrelh an tim tawn khi asi, Mah pin ah hin China nih cun ASEAN member Cambodia le Laos hna he ipeh tlainak fek tein ngeih mi an si, Myanmar-zong ah Gen. Min Aung Hlaing cu a soisel duh bak lo mi asi fawn, aruang cu Kawlram chung ah thil tha tampi a um, mah thil ngeih khawh ding ah cun Democracy dir nak in ralhrang nawl ngeihnak tang ah thil tampi an cawk piak khawh timi hi fiangtuk in athei caah Min Aung Hlaing cu tha tein abiakchawnh tawnnak asi.

ASEAN-ram hna nih cun Gen. Min Aung Hlaing cu summit an ngeihnak ah tel ve rem an tipi lo khi asi ve fawn, mah hi civilian acoyah hlonh in, Daw Aung San Suu Kyi le politician tampi hruaitu hna an tanter/hren lio asi ruang ah asi tiah an ti.

Nu pakhat hi nau ngeih ding in Sizung akal lio ah ralhrang hna nih thih lak in an kah, naute dam in anu athi apoi bak ko,

Myanmar military ralhrang hna nih hin mipi zeihmanh sualnak ngei lo mi pawl an kah sawh sawh khi asi ko, atu ah an kah mi zong hi zeihmanh sualnak ngei lo mi asi, naute ngeih ding ah hospital ah akal lio bak ah ralhrang hna nih atu bantuk in thi lak in an kah mi asi, akap tu pa cung ah hin action lak ding ah aho hmanh an um lo, action lak khawh ding ah cun PDF mipi venhimtu ralkap hna hi an si ko cang.

Nu pakhat Nau ngeih ding in hospital lei akal lio ah an kalnak lam ah military ralhrang hna nih, an kah thiah thei asi, An kah mi Naute nu hi a thi hlan te ah doctor hna nih Naute cu an (operation) chuah piak manh asi, Naute hi dam dam tein an chauh piak hnu ah, Naute nu cu naute mui hmuh manh lo in athi tak ve cawlh khi asi, zangfak taktak khi asi, ralhrang pawl sual ning hi a rapthlak taktak ko cang.

Ralhrang nih an kah mi Naute Nu hi Daw Tun Eiandra Kyaw (Kum 35) asirih mi asi, A mah hi South Dragon 204, Pelemon apartment ah um mi asi, Naute nu Dawn Tun Eiandra Kyaw hi Naute ngei khawh dir hmun ah a dir cang caah, Doctor sin ah kal mi asi, mah sizung ah cun Naute ngeih ding in motor he an kal lio ah, atu bantuk in ralhrang nih a mit pawngte ah arak kah mi asi, Naute an (operation) tuah hnu rau lo te ah athi ve cawlh kha asi, afa hmu manh lo in athi tiah thei asi.

Dawn Tun Eiandra Kyaw (Kum 35) hi B.A (Public Administration) Diploma, Computer Systems NCSS (Education UK) ah tha tak in adih hnu ah, Telenor Myanmar ah Assistant Manager riantuan lio asi tiah RFA news ah langhter asi.

Israel Parliament nih PM term fix ngeih khawh ding in Bill pakhat passed asi cang Netanyahu khamnak bill an ti,

Israel PM hlun Netanyahu nih kum 15 chung PM an tuan, azawn zawn in kum 12 arak PM hnu ah kum 3 atuan chih, a ropi ngai ko, nain Mahse Democracy ram ah ah hin, Minung pakhat nih uknak Bawi sau tuk an tuan mi hi adik khawh bal lo tiah, tu zing ah khan The Knesset nih cun Israel mimal aho poh nih kum 8 nak tam, azawn zawn in an PM khawh lonak ding Bill-120-seat parliament, ah 66 to 49 votes in anrak passed bak cang, opposition’s Joint List party nih mah legislation hi an support fawn caah pass asi.

Legislation asi khawhnak ding ah Knesset plenum vawi 2 paltlang a her rih lai khi asi, Knesset Constitution & Law Committee a pal tlang hnu ah second & third readings a pal tlang than lai, Israel’s semi-constitutional Basic Laws, ah tel ding in a tlawm bik ah 61 Knesset members vote  hmuh a her lai, mah bill hi Justice Minister Gideon Sa’ar nih a put luh mi asi, ‘Israel politicians aho poh nih, mah pumpak bantuk in PM sinak atlaih sautuk ah cun, ‘concentration of power, Nawl ngeihnak mimal/pumpak ah ahngattuk lai pin ah, thei par tha achuah lo tiah ati, mah bill hi Netanyahu PM than lonak ding caah tuah bik asi rua, achan cu PM hlun Netanyahu duh lo tu an um ve pah cang khi asi, mah Bill hi pawm khawh ding tiang an kal tlangpi khawh lai maw??