China le Japan aiawh hna le Russia ralkap hna cu kawlram ah an tlawng hna zei dah an tuah lai?

China special envoy for Asia, Mr.Sun Qiaoshan cu Myanmar ram ah rak tlawng in military council ah nawlngeitu hna cu ni 13.11.2021 ah khan aton, atu hi vawi 2 nak asi cang, Myanmar military leader Snr-Gen Min Aung Hlaing he tukum August ah arak tlawng ah khan itonnak an ngeih fawn cang, mah lio ah khan House Arrest lio Daw Aung San Suu Kyii hmuh a hal nak cu, military council acoyah lei nih rem an ti piak lo kha asi, arak tlawngnak chan cu fiang in theih asi lo hmanh ah, Myanmar ram politics buainak ah peh tlai mi le ASEAN ram hruaitu hna karlak ah bia um mi tlamtlingter ding ah nawl an tim tiah ati, Myanmar ram buai kong ah remnak le daihnak a um khawhnak hnga, Aung San Suu Kyi hmuh timnak zong asi tiah news report ah langhter asi.

Japan ram in Mr Sasakawa zong nih Sr.Gen.Min Aung Hlaing ton duh in akal mi asi ve fawn, Amah hi Japan ram mi asi, Special Envoy for National Reconciliation nih Myanmar rian tlai lio asi, Nivember 13 ah khan an iton, Myanmar ram ah tu lio thil cang kong ah bia chimnak an ngei, Remnak le diahnak kong ah hin Japan nih Myanmar ram bawm ding kong an chim tiah thei asi, Rakhine political party hna pin ah Arakan Army (AA) Commander-in-Chief General Tun Myat Naing he zong itonnak an ngei, Myanmar ralkap le Arakan Army AA hna idohnak ah lam kawlpi asi, 2020 November thla General Elections-ah Rakhine State chung ah vote thlak ceu ding in an fawrhfel hna,  Mr Sasakaw nih Myanmar ram buainak hi pawngkam ram hna tiang thil tha lo asi caah, sumdawn nak lei ah thancho lo nak asi tiin an chimpi hna khi asi.

Russia ralkap Bawi, cu Myanmar ram ah Military ral bawi hmuh ding in an kal zei dah an chim pi hnga?

Rusia le Mynamar ralkap hruaitu hna cu Naypyidaw khuapi ah November 12 ah khan itonnak an ngei, hriamnam le ralkap lei thiamnak thil ah tuanti ding ah hmalak an tim, Military council thawngthanhtu sin in Sr.Gen. Min Aung Hlaing cu Joint Commission on Russia-Myanmar Military Technology Cooperation chairman Mr. Vladimir Drozhzhov an iton, Rosoboronexport company ah Dy Director Mr. Alchekmarev zong nih atel pi, Meeting ah hin burmese military council acoyah cu, s Human resources le technical lei ah Rusia nih bawm ding ah tiah achim, lam tampi ah sumdawnnak lei hna, military technology lei zong ah hma lak asi lai ati, Russia le Myanmar ram hna cu Military council nih nawlngeihnak hnu ah an karlak boaruak afek deuh deuh khi asi.

Russia ralkap bawi Dy Commander-in-Chief of the Navy hi Myanmar ram ah hin October thla ah khan a tlawng cang fawn, Military council hna nih mipi hna cung ah hrawkhrawl ngai in thazang an hmang pin ah, an thah tawn ruang ah International Human rights pawl nih UN Security council sin ah hriamnam lak luh ter lo ding le pose sanctions ding in nawlnak an tuah cang, vawlei ram dang dang acoyah hna nih akan mer tak zong ah, hawitha ram tlawmpalte nunti hi kan tim tiin Russia ram hawitha ah angei cu lawm ngai in, Myanmar military council hna nih an chim ve fawn.