Democrat-pawl nih Senate an control than lai, Congress House of Representatives cu Republicans nih control lai,
Democrats nih state pawimawh, Nevada-ah teinak an hmuh hnu ah, US Senate cu an coltrol rih than lai khi asi, Senator Catherine Cortez Masto nih president hlun, Donald Trump-support, Republican candidate Adam Laxalt cu a tei hrimhrim ding in alang ko cang, Atu midterm thimnak hi kum 20 chung ah United States-ah khawkhan lairel lio party an cawlcang thatnak bik asi, President Joe Biden nih lawm nak bia chim in, Republican-hna caah ‘A ho dah asi’ timi hal can asi tiin achim.
Democratic Senate Majority leader, Chuck Schumer nih American mipi hna nih cun, Republican Party-nih ‘thazanghe pehtlai in’ an kalpi cu an hnawn asi tiah a fiang ngai ko tiin a chim fawn, Democrats nih hin Senate-ah hin seat 50 an ngah cang, Republican-nih 49 an ngei mi asi, Seat pakhat a tangrih, Georgia cu December-ah an ithim lai, Senate-ah hin party pahnih nih member azat ceu in ngeih asi ah cun, Vice-President Kamala Harris-nih vote a thlak ve tawn caah Majority tiah chim khawhnak asi.
Republican nih hin rorelnak pakhat, US House of Representatives cu, vote an rel lio zong ah control ding dirhmun asi ve cang, Republican-hna nih hin House hi an control peng asi ah cun, Biden nih thil akalpi aduh mi tampi hna cu, an hnawn piak ve khawh thiamthiam khi asi, Republican Laxalt-nih hin kum hnih kal liam cang ah President Trump-nih, thimnak ah thil fel lo a um tiah a chim tawn mi kha an thatpi ko ati, Nai te ah khan poll lak ah khan Latin mi hna nih an duh ngai mi asi, mah hna pawl hi Nevada-ah voter 5 ah 1 ngei bantuk tluk khi asi, nain Cortez Masto-tu nih teinak angah ruang ah, mah cu an party-nih Senate an control khawhnak asi.
Nevada thimnak result hi Republican caah cun a pawi bak khi asi, fakpi in President Biden le Democrats an thuatnak cu, Senate control tim asi ko nain, Hi lio ah hin Republican-hna nih hin House belte cu fek ngai in control khawh asi, Democrats zong beisei nak in an cawl ning atha ti awk asi, Kum 2020 president thimnak dik lo ngai in thil tuah a um tiah, fak nawn in a chimtu Trump- zong midterm-ah hin arak zuam ve ngai ngai kha asi.
Trump-nih hin kum 2024 thimnak ah president cuh a tim than nak kong cu arau hlan ah phuan asi lai, nain, atu thimnak ah amah nih abawm/support mi, candidate-hna cawlcang ning ah atha tuk lo siin an theih, Republican Missouri Senator Josh Hawley nih Senate result phuan asi hnu ah hin an party cu ‘a thi’ tiin achim pin ah thil thar a herh kong a chim cawlh fawn.