International news America ram chung politics abuai deuh fawn cang Donald Trump suimilam 4 chung court ah bia hal asi FBI nih an umnak “MAR-A-LAGO” an check,
International news America ram chung politics Donald Trump suimilam 4 chung court ah bia hal asi FBI nih an umnak “MAR-A-LAGO” an check,
US President hlun Donald J. Trump cu atu lio Biden Admin lei nih an buai ngai khi asi, tuzar nikhat ni ah khan zeihmanh chimnak um bak lo in, Florida state-ah Palm Beach hmun ah an umnak In, “Mar-a-Lago” hmun cu New York khuapi ah In pakhat “Trump Tower” building sang ngai mi ah a um lio, FBI agents hna nih an In an check piak kha asi, US President hlun hna umnak In Federal acoyah aiawh hna nih an check (raid) cu thil phan bal lo mi asi tiin, American mipi hna an lau ter bak ko, Nizan ah US President hlun Donald J. Trump cu New York khuapi, Manhattan District-ah Federal Attorney General Ms Letitia James-hmai ah civil investigation a si bantuk in, suimilam 4 chung bia hal nak ngeih asi.
Sihmanselaw mah lio ah hin Trump-nih hin bia halnak 440 leng cu a leh duh bak lo khi asi, US Constitution-nih America mi le sa hrin/chuahpi diknak covo an ngeih mi asi caah bia halnak a leh duh lonak chan an ngei khawhnak, (rights and privileges) upadi “Fifth Amendment” hmang in Attorney General James- bia halnak cu a leh lo kha asi, hi bantuk in civil investigation thil ah hin Trump nih hin bia halnak a leh thiam lo ah cun, “Criminal Case” bantuk in kalter khawh asi caah, le witness against himself asi khawh caah aleh lo mi kha asi tiin, Donald Trump nih cun cathanh (statement) tuah nak ah “Nanchungkhar le company le mi vialte cu political thil ah thuatnak politically motivated hmang in upadi theih mi lawyers, hremtu prosecutors le “Fake News” media hna nih an thuat dih hna ah cun, duh thimnak na ngei lo ati, Trump amah le amah cu catial in iven/defend asi ko kha asi, hi bantuk hramhram phun in Court hmai ah catial ding ah auh hi, an lawyer rual hna nih t uhlan zong ah anrak khamh piak cang khi asi.
Dept of Justice le Federal Bureau Investigation (FBI) le White House nih cun nikhat ni ah Mar-a-Lago an check nak chan fiang in an chim lo nain, Mar-a-Lago hi President asi ti lo hnu ah khan White House in document pawimawh tak tak umnak (classified records) cheu khat hna cu, President Biden-lak luh hlan te ah White House in lakchuah in Florida state-ah a umnak “Mar-a-Lago” ah a ken tiin chim asi, FBI agent hna nih Mar-a-Lago an check kong hi, a fapa Eric Trump nih cun- Twitter-ah rak tial in Trump-supporttu mi tampi cu Mar-a-Lago pawng le Trump Tower building pawng, New York khuapi ah anrak chuak khawm cawlh khi asi, cheu khat nih flag ah “Trump- teitu asi”, “America sersiam ropi than lai”, “2024 for Trump” tiah tial mi hna an ken, amah supporttu hna nih “Trump-cu thiam co ding in anrak au hnawh hna khi asi.
Nizan tiang District Attorney General Ms James-hruainak civil investigation kal lio ah hin, Donald Trump le an chungkhar dir mi, “Trump Organization” an timi nih cun Golf courses, Skycrapers, Hotels, etc an dir choh kong ah, upadi lo in thil tuah, tangka tlauter (fraud) le ngun khuai (tax) pek lonak le thil dik lo a um maw? timi an hlatthlainak kal lio effect asi, AP News nih New York khuapi District Federal Court hmai ah Trump nih catial in zeihmanh thil sual angeih lozia arak langhter mi kha asi, Fifth Amendment sianh piak bantuk in amah cu misual (criminal) a si lo”, tiah fainter asi, Kum 1964-ah hi bantuk Fifth Amendment pumpak zalonnak le phunak (fundamental values) humhimnak ding ah rak tuah mi asi, Trump le a chung hna sumdawnnak “Trump Organization” timi nih cun real estate thil ngeih (assets), snag loans, insurance, ngun khuai (tax break) etc. a um maw? tiin an hlatthlai mi asi, Trump-lawyer Ronald Fischatti nih cun Trump-cu amah hrimhrim bia hal lo ding ah le court ah lang lo ding in arak tuah tawn cang kha asi, khamh kho ti lo in atu ah, minak nu (Black) Attorney General Letitia James-hmai ah alangter mi khi asi.
Donald Trump fa pathum Donald Jr., Ivanka- le Eric-Trump hna zong kan hnu lei ah bia hal asi cang, Court record ning in Eric Trump nih Fifth Amendment upadi cu kum 2020 ah khan vawi 500 leng hman asi tiin, AP News nih atial, Donald Jr., le Ivanka-hna zong kan hnu lei bia halnak ah khan mah Fifth Amendment hi an hmang maw theih asi lo, Nizan Donald Trump cu Ms Letitia James- office ah bia hal asi hnu ah, amah social media platform tuah “Truth Social” nih Fifth Amendment a hman kong achim, office a chuah hnu ah bia hal felte in leh her angah cu, “Out of control prosecutors” racist,”very professional”, “fantastic campaign” tiin a tial, Attorney General James- office zong nih zeihmanh a phuang rih lo.
NBC News nih, Trump Organization he tuanti Cusham & Wakefield commercial real estate hna nih cun, Trump le an chungkhar sumdawnnak kalpi asi, an tuantinak tial in documents 3,600 cu Attorney General kut ah an pek cang khi asi, Trump nih Fifth Amendment cu hmang (invokes) in, vawi 450 leng bia halnak cu, suimilam 4 chung in a leh lo ati, President hlun Donald Trump cu naite ah Republican chung ah, Conservative Political Action Comtt an timi chung ah, kum 2024 ah US Presidential election cuh ding in minung 5 chung ah a rit bik dirhmun asi, 32% hrawng ahmuh, adawttu cu Florida state Governor si lio Ron DeSantis nih 15% hrawng long ahmuh, Secy of State hlun Mike Pompeo le Florida Senator Marco Rubio, Texas Senator Ted Cruz hna cu 5-7% kar lak hrawng long long khi an si hna, mahruang ah cun Donald Trump cu kum 2024-ah White House luah ding in arak kir than te lai tiah zumtu tampi an um khi asi.
Zarih manh can ah karak peh than te lai,