Myanmar military council Leader Min Aung Hlaing cu ASEAN Summit-ah tel lo ding in biachah asi cang, Military cu dirhmun tha lo ah adir ko cang,

2021 October 15-ah ASEAN foreign Minister-hna emergency meeting-ah military hruaitu, Min Aung Hlaing cu ASEAN hruaitu hna itonnak Summit-ah tel lo ding in bia chahnak an ngei tiah, Japan NHK media nih a phuang mi asi, Min Aung Hlaing nih ralkap thazang hmang in, mipi nawlngeihnak lak piak mi kong ah, felnak lam kawl in ASEAN hruaitu hna nih ASEAN Concensus 5, a taktak ah kalpi ding ah chim le rel asi, mah cu military council lei nih anrak duhlo/dodal peng asi ruang ah, ASEAN hruaitu hna itonnak summit-ah tel khawh lo ding in biachahnak kan ngei khi asi, ASEAN ram dang dang hruaitu hna itonnak summit cu October 26 ni 28 tiang ngeih ding asi lai.

October ni 15-ah ASEAN hruaitu hna biachahnak an tuah hlan te ah ASEAN le UN Secretary-General Meeting ngeih ding ah ruahmannak cu postpone asi tiah thei asi fawn, A chan cu UN secretary general Antonio Guterres-nih Myanmar military council a pawm duh lo ruang ah, Myanmar aiawh tel ve nak ah ASEAN Minister-hna he meeting can ding can thial ter cu, UN aiawh hna biachim cu Reuter news ah langhter asi, Military Council ah Wana Maung Lwin tel in ASEAN ram 10-ah Foreign Minister-hna le UN general secretary hna karlak ah ibiakchawnhnak ngei ding ah an timi cu, UN general secretary-nih acan thial than mi asi.

UN General Secretary nih ram dang dang le ram chung buainak chim khawh asi long ah, ASEAN le UN itonnak hman siseh tiah an chim, cu bantuk in Malaysia Foreign Minister Datuk Seri Saifuddin Abdullah zong nih ASEAN consensus 5-hna ah hmalaknak nih thancho/tlamtling nak a um lo ah cun, Military Leader Min Aung Hlaing cu ASEAN hruaitu hna itonnak Summit-ah tel aher lo tiin a chim ve bak ko cang khi asi.

Mah ASEAN ram dang dang hna hruaitu chung ah, dirhmun pawimawh le sinak pawimawh pek lo asi cang ah cun, Myanmar Military council hruaitu hna dirhmun cu a derthawng ngai ngai cang tiah thei khawh asi, mah lio ah NUG acoyah nih kar athlang ngai ngai ve fawn hna, Europe, US le Asia ram dang dang ah ralkap khawkhan lairelnak ah ralkap thazang hmang in, an cawlcangnak duh lo le doh cu asang ve chinchin khi asi, Military council cu duhsa duhsa tein thil tikhawh lo in a um ve deuh deuh ko tiah thei asi.