National Unity Government NUG acoyah ram ai awh in vawlei ram 5 hna nih an pawmpi cang,

National Unity Government (NUG) acoyah aiawh 6-hna cu England, French, Australia, Czech Republic le South Korea ram hna nih official-in an pawmpi nak cakuat an pek cang, an ram chung ah office ngeih ding zong ah sianh piak asi cang tiah thawngthanh nak nih alanghter, NUG acoyah hi an cawlcang cuahmah ko hna, kan ram nih lam kip ah step thar akan kaipi ve len ko.

Atu dirhmun ah cun a hmasa bik ca ding ah South Korea ram ah NUG aiawh thutnak ding ah office cu onh open asi cang, mah lio ah NUG acoyah nih cun UN le vawlei ram dang dang hna nih, an pawmpi khawhnak hnga bia tak tein hma lak cuah mah lio asi fawn, dirhmun tha sersiam ve peng asi, Military council lei zong nih, vawlei ram dang hna ton ding in hma an lak ve thiamthiam ko, November thla ah cun UN le vawlei ram dang dang hna ruahnak cu fiang tein theih khawh asi cang lai tiah news ah langhter asi.

Kan miphun chung in NUG acoyah ah dirhmun sang ngai ngai atlaih mi Dr Sasa le Dr Lian Hmung Sakhong zong, bia tak tein ram le miphun, rampi democracy adirthan khawhnak hnga an cawlcang ve peng ko, thlacam in bawm zong aherh ngai ngai, an mah pahnih hna nih kawlrampi uknak athlengter ve khawh ko caah, an ruahnak ah siseh, ram dang acoyah lian hna an tonnak ah siseh kan biak mi Pathian nih lam hruai hna selaw kanram Federal Democracy kan ngah tengteng ko lai tiah zumh bu in thlacampi peng ko u sih.

crd: Irrawaddy