National Unity Government zong tha an pek Myanmar military council zong tha an pek China lungput hi zei tin dah asi hnga? Kanram chung thil lak long long hi an duh!

Myanmar Military council acoyah tha pek in abawm peng lio ah, NUG acoyah aiawh ding UN-ah athu ding mi U Kyaw Moe Tun cu arak support fawn, Myanmar ram Arakan State chung ah Kyaukphyu deep-sea port project tlamtlingter timh in, China nih kar athlang peng nak step pakhat cu tlamtlingnak angah hawi cang, CITIC Consortium le China Communication Construction Company

FHDI company hna nih cun, China khuapi Beijing-ah September 15 ah khan agreement anrak sign diam than cang, Mah hi China ram nih Myanmar ram chung, Rakhine State ah um mi, an ram caah biapi ngai mi China BRI project an kalpi ruang ah asi.

An rian hmasa bik cu Arakan chung Kyaukphyu khuapi pawng, Speial Economic Zone chung ah um mi, Rilipi pawngkam Ti Lawng dinnak hmun tuah khawhnak ding ah hin atu ah service tuah lio cuahmah hi asi, CCCC FHDI hi China Communication Construction Company (CCCC) tang ah Branch pakhat lian ngai mi asi, mah rian hi NLD acoyah lio in contact rian hmuh khawh ding ah, tender anrak hmuh chung ah riantuan hmasa bik ding construction project 9 chung ah pakhat Yangon New City project chung ah um mi asi.

Kyaukphyu deep-sea port project pawimawh ngai mi tuan ding ah hin, Chinese company hna nih cun Canadian company HATCH hna he tangti in tuan asi lai, mah hna nih hin mipi le khuachung khuasak ning le a pawngkam hna zei dah arawk ding mi thil hna tiang service tuah ding in, mithiam hna an cawlcang ter lai khi asi, mah iremhnak an sign cang mi ah hin, United States le thlanglei acoyah Lian hna nih, sumdawnnak lei ah Myanmar ralkap acoyah cung ah hremnak an tuah mi hna hi, anrak doh ngaingai timi hi China nih arak langhter nak asi tiah an ti.

Myanmar ram nih cun ahmasa ah US $ 10 billion hmang in ahram thawhnak ding ah, anrak sign cang ko nain atu ah US $ 1 billion he rian awtnak hram thawh asi lai tiah theih asi, A chan cu China lei ba thangkam nak ah hin Myanmar ram hi a tangsual lai tiah, Daw Aung San Suh Kyi nih an hmuh caah asi, mah project in amiaknak ngeih ding ah cun ram ngeitu nih 30% long an ngah lai, China nih cun 70% an ngah lai atam bak ko.

China nih hinNaypyidaw-ah aiawh va thlah in military ralkap hna cu, an mah caah thil tha tuah piak bantuk langhter in, Self Styled Prime Minister Sr.Gen.Min Aung Hlaing cu an ton ter hna, Ralkap hna cu Military Council acoyah (Government ) tiin, mah an holh hmang mi cu, Min Aung Hlaing nih ataktak bantuk in anrak ruah caah, Myanmar Military Council acoyah tiin atu tiang min an I ngeihnak asi, mah bantuk in hma alak lio ah United States nawlngeitu hna nih, NLD san lio ah UN aiawh caah an chiah mi, U Kyaw Moe Tun cu Myanmar ram nih aiawh dang an ngeih hlan ah, November thla tiang General Assembly nih aiawh thim mi an ngeih hlan UN ah thu ding in tiah an timi asi.

China Communist Party nih cun National League for Democracy (NLD) he ibiak that lio asi fawn, Chinese Communist Party nih hin NLD party hi Military Council hna nih hrawh an timhnak hi, tuah lo ding in China nih ralkap hna anrak nawl ve, Journalist Bartlettner nih China nih atu bantuk in lam kau ngai in hma alak hi atha ngai ko nain, Sr.Gen Min Aung Hlaing’s military council acoyah thin lung namte he sawh piak bantuk asi ko cu!

Ataktak ah cun China nih NLD duh lonak ngeihter ding in Idea arak tuh piak khi asi, NLD nawlngeihnak asi ah cun Myanmar lei ah Chinese projects kalpi an timh mi vialte hna chung ah, sumdawnnak le hriamnam lei ah biapi bik mi, Yunnan le Bay of Bengal kal khawhnak ding Sino-Burmes economic corridor project nih an tuar lai caah asi, NUG acoyah le Myanmar ram thlang lei ah hriamnam tlai pawl he China hi athlithup in ibiakchawnhnak an ngei tiah theih asi cang an ti.

Thlang lei Myanmar ram chung vawlei rumnak energy tampi a um timi hi China nih fiangte in atheih, mah caah cun mah zawn ruah in Myanmar rem daihnak umnak in ralkap kut ah rampi hi um peng she timi hi China duh ning asi, Ni 14 November hnu ah UNO nih biachahnak an ngeih ning in, China nih hin NUG le Military council acoyah ah khat lei awrhnak khat lei awrhsen in atu ah hin a um lio pi asi, mah hi dakaw China nih acan ah military ka support lo, acan ah NUG ka support ti phun in a holh tawnnak asi, zei asi zong ah military council cihmih hi atha bik ko lai.