US nih Japan Bom a rak thlaknak Video a Chuak Cang

Note: US nih Japan ram bom a thlaknak video cu a tanglei bik ah a  um lai. 

Cun Ralpi Pahnih Lio Tuanbia hi rel pah.

 GERMANY LE EUROPE AH ZEIDAH A CANG?

1. 1894 ah Catholic Priest nih ti a tlami kum 4 ngakchia pa te cu a rak khamh. Cu pate cu a upat tikah mi puarhrang taktak ah aa chuah i, amin cu -Adolf Hitler asi. Amah cu Judah mi 6,000,000 kuakap thattu le Ralpi II chuahtertu asi. Tii a tlak lio ah rak char hna hlah sehlaw rak thi thai sehlaw, vawlei tuanbia phundang ah aa mer men hnga. Hi an rak charmi hi Pathian duhnak maw asi hnga?

  1. Ralpi Pakhat hnu ah Germanu sipuazi a tla tuk i, tangka man a ngei ti lo. 1920 hrawng ahcun Germandy tangka cu man a ngei lo tuk i, thing in mei kaunak in le mehawlnak in tangka khangh hi a rak i deng deuh ti asi.  Atanglei hi tangka an khangh i innchung an lumter lio asi. Japan ral lio ah Kawlram zong ah tangka man a ngei lo i, facang pung khat cawknak ah Japan tangka minung pakhat phur ken ahau ti asi.

  1. Ukraine ram ummi Mizocz Ghetto timi ah Judah nu pawl 1,700 tluk thawng an thlak hna. German le German bawmtu Ukraine mi hna nih, thahnak hmun ah an kalpi hna i, a changchang in thah ding in artlang in an dirter hna. A cheu cu an fale te an i pawm pah hna. A cheu cu an thilri an phawih dih hna i, cucu ahnu i a herhnak i hman ding ah an fim. Hitler sualnak le Judah mi temtuarnak cu afak ko.

  1. Ralkap Thawngtla (POW) asimi Horace Greaslev nih Germany Ralbap bawizik Heinrich Himmler dingteu in a zohchih lio. Himmler hi Hitler ralbawizik asi. Camp a va chek lio asi. Greaslev hi, German ngaknu te he an i duh. Camp in athli tein a zam khawh hnu ah, a ngaknu va ton ruah ah, Germany ram chungah voi 200 a thli tein a va lut than. Atuanbia hi min a rak thang ngaingai. Hi tluk tihnungmi ral ram chung i, duhmi ngaknu ton ruah ah, voi 200 Hitler ukmi ram chung i va luh ngam cu, “Duhnak mit caw” timi asi ko rua.

  1. Ngakchia thawng an thlak ve mi hna an si. Hi tluk tamhalnak hmun zongah, mahnak ngakchia deuh dawtnak he a zohkhenhmi pate nunnak hi, upat awk a tlakmi nunzia asi. Hi tluk tamhal lio zongah hi bantuk in dawtnak a langhtermi cu a sunglawi tuk. “Dawtnak nih cun ka chung rawl a chuah khawh ko. Dawtnak cu mah zawn lawng aa ruat lo..” timi kha hika ah a lang.

Atanglei hi Nazi Germany cozah nih Serbia ngakchia hremnak kemp i an chiahmi hna an nung in an khamhmi hna an si. Hi hna hi tii lo le rawl lo in sau tuk chiahmi an si. Minung hi lungthin thawnnak nih zeitluk in dah thawnnak a pek hna timi alanghter.

 

  1. Hitler te nupa rawl an ei lio asi. Hitler hi rawl a ei hlan ah a rawl hi thihsi an paih maw paih lo tiah midang nih an tehta hmasat hnu lawngah rawl a ei. Margot Woelk timi nu nih a thlite in a rak tuanmi rian cu, kum 95 a tlinni a birhday lawnglwng ah, a va pa sin ah “Zei bantuk riantuan mi dah a rak si?” timi kha a phuan. Cu a rian cu-“Hitler tirawl teptu a rak si.”
  2. Mauthausen-Gausen thawnginn ah Judahmi pawl eidin lo in thawng an tlakmi hna. Minung lungthin thawnnak nih tirawl eiding lo in, minung hi zeitluk in dah a nunter khawh hna timi cu khuaruahhar asi.
  3. German ngiathlaitu bu SS timi nih, ramdangmi ngiatthlainak caah hlawhhlangnu zuarnak an tuah i, ral lei kong aphunphun in an hlathlaiter hna. Hi hlawhhlang inn hi “The Kitty Salon” tiah min an rak sak. Hi hlawhhlangnu hna nih, ramdang tanzung riantuantu pawl sin in, thawngpang tampi an rak lak. Ram le miphun caah hlawhhlang rian an rak tuan ve.

  1. Dr. Death (Thihnak doctor) timi nih 1942 ah ngakchia le thawngtla hna hmang in, “khuasih tuk ruangah thih dengmang zawtnak in minung zeitindah kan thlawp khawh lai?” timi thlawpnak kawlnak caah, minung kha a hringhrim lo in, atanglei hmanthlak bantuk in an tem hna i, tikhalkuang chungah suimilam 3 chung an hren hna. Thawngtla tampi kha, “O degree” nakin a kih deuhnak hmun khualeng ah an chuah hna i, suimilam saupi an umter hna. An taksa a kih tuk cikcek hnu le lunfim lo an um hnu ah an luhter hna i, an taksa an lumter than hna. Cuticun minung kha zawt thlawpnak caah hman an rak si. Atanglei hi Dr. Luftwaffe nih ngakchia pa tikhal kuang chungah a chiah i, a hniksak lio asi. “Satan thlahmi doctor sisehlaw a dawh.”

  1. Hitler nih Judahmi pawl a thahmi hna an ruak khangh ding in an timtuah lio. 6,000,000 remglo a thahmi hna chungah, a cheu ruak an si.

Hi vialte minung thah ah tuanvo latu General Himmler le a hawi le “Satan ralkap pawl.” Mitbenh aa benhmi hi Himler asi. Amah hi Ralpi II a dih hnu ah, taza an cuai i, a bia an caih manh hlan ah, thawnginn ah amah tein aa that i athi.

JAPAN RAM AH ZEIDAH ACANG VE?

Atanglei hmanthlak hna hi ramkip ah a cangmi hmanthlak an si. Minung i huatral ruang i pakhat le khat ral i tuknak le i thahnawnnak nih a chuhapimi thil ruangah a chuakmi an si. Ralpi II nak ah Japan nih Korea, Tuluk, Southeast Asia ram hna hi a rak tuk ve i, mipi fak taktak in an rak hrem hna i an rak thah ve hna. Japan le Germany pawl mi thah lainawn ning hna hi, atu chan ISIS he an i dang lem lo. Ralpi II lio ISIS an rak si ve ko. Hi ruang ah hin, Tuluk cozah le mipi hi an lung a fak peng rih. Japan hi an ngiar peng cang. Hmailei ah ral zong an i tu lai lo ti chim khawh asi.

Hihi Nanking khua ah Japan rakpap nih Tuluk pa a hnawng an lek lio asi.

Nanking khua ah mi tam tuk an rak thah hna i, an ruak hi khualak inn hleika ah hitin an rak hlonh hna. Minung ruak hi uico ruak tluk hmanh an rak si lo. Zu a thimi ruak tluk ceu an si.

  1. Hitin nu cheukhat cu an tlaih hna i hitin an tlaihhrem hna. Hi hna hi Japan ralkap pawl hur diriamhnak ah an rak hman hna caah, “comfort women” tiah an ti hna. Tuluk, Korea, Philippines, Thailand, Vietnam, Malaysia, Indonesia, East Timor, Papua New Guinea ram hna ah sakhan an sak hna i, cu ram nu hna cu an lak hna. A tambik cu Korea le Tuluk ram nu an si. Hi hna hi “Sex Slave” ti zong in auh an si. A cheu cu an thi. A cheu cu an nung i nau an pawi. Harnak tam taktak an tong. Hi bantuk in nuamnak ca hmanmi nu hna hi 20,000 in 360,000-410,000 kar an si lai tiah an ti. Tuanbia tialtu hna nih a number taktak hi an hlat peng lio asi.

Biadonghnak

Cathiang nih “Na tuh bang in na zun lai” tiah a kan cawnpiak. Thil tha lo a tuhmi nih thil tha lo an zun. Thil tha a tuhmi nih thil tha an zun. Cucu Pathian upadi asi. Ralpi Pahnih lio i, Germany le Japan hruaitu hna le rqlkap hna an sual tuk ruangah, ral a dih hnu ah hruaitu le ralkap tampi nih an tuar lawng siloin mipi zong nih an temtuar ve. Hitler le anupi le a bawi le cheukhat hi an mah tein an i that; a cheu cu taza an cuai hna hi an thah hna. Japan ram ralkap tampi cu Harakiri timi an tuah i, an mah le mah nam in an paw an i hlai i an thi.

Germany ram innlo le lamsul aa rawk taktak. Minung million tampi Europe ah an thi. Japan ram ahcun Hiroshima le Nagasaki khua ah atom bomb an thlak ruangah minung million in an thi. Japan ram cu a rawk cikcek. An mipi le siangpahrang hna cu an sining a niam cikcek. Japan siangpahrang cu Nika hrinmi fa, tei khaw lo ding in an rak ruahmi cu, a tlu cikcek. Japan ram cu American le ramdang hmai ah aa thum cikcek i, toidornak in akhat.

Cucaah Dr. Faruya (amin a hman lo men lai) nih Yangon a rak tlun lio ah a rak chimmi cu, “Japan ram cu an rak sual tuk caah, atom bomb in tipil pek an si i, tangah thumh an si” tiah a rak ti phah.

US nih Japan Bom a rak thlaknak Video documentary cu a tanglei ah hin zoh.

Source: BBC

Leave a Reply

Your email address will not be published. Required fields are marked *