Voi2nak Debate i Moderator tuan dingmi pa kong ah Trump a Lungtling lo.

Donald Trump cu an vun tuah hramhram ngai ko timi fiang tein hmuh khawh a si.Tutan ah a voi(2) nak Debate ah Moderator a ttuan ding mi min an hun langhter cu Donald Trump caah thawngpang chia ngai a si ko. A voikhat nak Donald Trump le Biden Presidential Debate ah Moderator a ttuan tu cu Chris Wallace a si i Democratic minung a si. Chris Wallace hi American journalist Fox News ah a ttuan mi a si ko nain Democratic Party ah register a tuah ve mi asi. Naitan Debate an tuah lio zong ah biatak tein Biden a dirkamhnak hmuh khawh a si, Donald Trump tlaknak lam biatak tein Debate lio ah a kawl.

Cun a tutan a voi 2nak Presidential Debate zong ah Moderator min an rak langhter i Donald Trump zong nih aa lunghmuih khawh lonak cu Twitter in a langhter ve.

A ruang cu atu a voi 2nak ah Moderator a ttuan ding mi cu Steve Scully a si. Steve Scully cu C-SPAN televisioin network ah a ttuan mi a si. A si nain a mah hi Biden he neihniam tein a um mi, Biden sin ah rian a ttuan bal mi asi. A fawinak in chim ahcun Biden minung, Domocratic dirkamh tu ding a si ve.

Steve Scully hi Ted Kennedy sin ah rian a ttuan bal mi a si, cun Biden sin ah interned a rak ttuan bal mi asi. Tutan ah a fiang mi cu biatak tein Biden a dirkamh tthan lai ti hi a si ko.

Cu caah President Donald Trump caah cun thawngpang chia taktak a si ko. Democratic lei nih a sunghnak ding ah biatak tein thluak an chuah timi a fiang ngai. A vokhat nak ah Democratic minung bak a si mi Chris Wallace nih Moderator a tuan, a tu a voi 2nak ah Steven Scully, Biden hnuzul in a ttuan hoi lai. Source: VOM