Congratulation! Kum 11 pate Joshua Thawng Tha Lian nih Bible Chuak lak in a Rel Khawh Dih

Zohchunh awk tlak Lai hngakchia Kum 11 Pate nih  Bible chuak lak in a rel dih.

Kum ( 11 ) reng lo a simi ka fapa ( Joshua Thawng Tha Lian ) nih ( Aug 4/20 ) ah Bible chuak lak in a rel dih cang. COVID – 19 ruangah inn ah kan ierh cio hna. Nikhat nazi 1 chung te, nifatin in Bible rel hram kan domh pi hna i atu cu Bawipa thawng in a lim cang.

Phorhlawt nak lungput pakhat hmanh kan ngei lo, Bawipa um pi nak thawng in a si. Anau le zong an rel dih chom lai. Ka lunglawmh nak langhter nak caah ka hun tar. Ka fapa Bawipa nih thluachuah in pe ko seh. Credit: Paul Lian.

Hibantuk in hngakchia te nih Bible ca rel dih khawh cu a sunglawi tuk. Bible ca a rel dihmi kan tam men lai lo. Uar um hringhran ko. Bawipa nih miphun le ram caah hmang te seh!

Hi kong hi rel chap tuah. 

US i Covid-19 kong i bochanbikmi Sibawi pa nih Covid-19 kong ah ‘Good News’ a Chim.

US ram i Covid-19 kong ah sibawi rinhchanhbik Dr.Fauci nih thawngpang tha a chim. A chim ning ahcun US hi Shut Down phun a herh ti lo tiah a chim. Lock Down theng hau loin thil tam tuk kan tuah khawh. American pawl nih hin mask an hruk i pakhat le khat aa hlatnak i um, zu dawr (bar) pawl khar, kut tawl peng, inn chung cawlcanghnak nakin lenglei (out door) lei cawlcanghnak tuah deuh khawh cun a ngah tiah a chim. Lock Down thengmang a herh lo tiah a chim.

Asinain hi thil hi tuah a si tung lo ahcun chiatnak fakpi a ton khawh a ti. Hi phung 5 hi kan zulh khawh ko ahcun US hi kan open khawh i Shut Down dih theng theng a herh lo tiah a chim. Hi thil kan tuah ko ahcun Shut Down theng theng tuah lo in normal ah kan kal khawh ko tiah a chim.

Tuni tiang ah US ah nichiar Covid-19 ruang ah minung 60,000 case thar lengmang a ngei. A dih lak ah minung 4.7 million bak an um cang. Shut Down nih hin rampi economy tam tuk a rawh ter. Cucaah a dam thanmi an tam ngai tawn ko caah shut down hi mi tampi nih tha an pe lem lo. Tutan zong ah US ram i Covid-19 kong i bochan bikmi sibawi Dr.Fauci  nih Shut Down phun hi US nih a herh ti lo tiah a chim hi a si. Good news tiah ti khawh  asi.

Source: Daily Mail