Kan ram Myanmar chung buai lio ah  ZRO/ZRA le NUG acoyah tang ah um mi PDF karlak buainak cu afiang ngai ko cang hih!,

Mah hi ZRO/ZRA hruaitu Mang Suan Zo Thang interview nak asi, atu lio ah hin ZRA le PDF hna karlak buainak asang deuhdeuh khi asi, Social media hna ah cun ZRA lei nih PDF camp an thuatnak zong hmuh asi, mah kong ah hin ZRA hruaitu pakhat mediaq interview nak ah hin zei dah an chim??

Bia hal nak : Atu lio ah hin Social Media-ah ZRO/ZRA nih hin mipi kilhventu ralkap PDF hna cu vawithum an thuatnak kong hi zei dah aruang? Zeitin dah na leh lai?

 Bia leh nak : ZRA hna nih hin PDF hna hi an thuat/doh bal lo, ZRA hi NUG acoyah support tu le tuanpitu Bu pakhat asi, NUG Defence Minister U Yee Mon le Zomi Political Co-Cordination Commitee hna he ipumkhatnak, iremhnak le tuantinak tha ngeih ding in kan ceih hna cang ati, mah kong ah cun PDF hna hi kawlrawn lei ah cawlcang bik ding asi caah, tlangcung mi umnak ah Ethnic armed force um cangnak ah PDF hi dir aher lo timi hna zong chim asi cang ati, Cun Zomi National Volunteer zong kan dir cawlh fawn, Kan Bu pawl hma kan laknak hmun huam chung ah, hriamnam tlai armed force dang dir le an duh ning in hmalak nak kalpi hi rem kan ti lo, anrak dir asi zong ah ZRO/ZRA hruaitu hna theihter ding in, June 17, 2021 ah khan cathanh kan tuah cang ati fawn.

Asinain, Tedim Township le Tawn Zang Township huam chung ah ithimnak um lio ah teinak ahmuh mi, Minister hna he dir mi hriamnam tlai pawl nih Chin State pumpi ah vawk siangpahrang bantuk in, hriamnam tlai in operation an ngeih ruang ah kan thuat mi hna cu an um ati, mah hi kan cathanh tuah ning in hma kanrak laknak asi, mah kan thaut mi hna hi PDF atimi hna asi, NUG dir mi PDF an si lo, mah le miphun tein adir mi asi, Ram buainak Revolution hi an caah can tha ah ruah in PDF min hlan in adir mi an si, NUG acoyah nih Official in a dirter mi PDF hna hi kan tongh/doh bal lo ati.

Bia hal nak : ZRA le NUG hi tuantinak nan ngeih cang maw??

Bia leh nak : NUG acoyah he tuantinak kan ngeih ko ati, Military Terrorist ralkap hna nih February nikhat ah nawlngeihnak an lak hnu April 16 ah khan ZRO/ZRA nih hin NUG hi kan support mi asi tiah cathanhnak kan tuah cang, Thla khat ah vawikhat Zoom Meeting ah kan hmalaknak le hruaitu hna himnak kong hna report kan pek peng ko ati, Kan can ton lio Political Crisis hi zeitin dah kan tuaktan lai timi le Zomi mipi hna himnak le ramri ven him nak ding ah, Zomi Political Co-Cordination Committe (ZPCC) dir asi, mipi venhim ding ah ralkap Zomi National Volunteer (ZNV) zong kan dir fawn, ZRA Security kalpi ning le information dang hna zong NUG acoyah ah report kan pek tawn tiah ati.

Bia hal nak : Hmailei can caah Political, Military Service lei hi zeitin dah hmalak ding ah nan timh??

Bia leh nak : Kan nih ZRO/ZRA (Eastern) hna nih cun, zungzal in kan ral lian bik asi mi, Military Dictatorship hi a dongh tiang thuat/doh chimih le tlangcung mi hna diknak covo humhak, mah tein uknak phung le khawkhan lairelnak arak chuah kho nak ding ah, Federal Democracy hmuh khawhnak ding adongh tiang thuat hi asi, mah bantuk cun hma kan lak peng fawn lai, ZRO/ZRA ram Tedim, Tawn zang pin ah Zomi umnak Kalay Kabaw-hna ah, ZNV (Zomi National Volunteer) hna training pek ti bantuk hna, Terrorist sual ralkap hna cu adonghnak tiang doh/kah chimih ter hi kan hmalak timhnak bik asi.

Cu bantuk in kan kal ding ah cun ZRA le NUG hi Defence Force hna karlak ah tuantinak lam achiatter khawh, mah caah cun NUG hruaitu hna le hmalatu hna nih an Military Policy le stategy hna zohthan in sersiam than aherh timi hi, ZRA hruaitu hna ruah ning asi, ZRA hi mah ram (mother land) Myanmar-ah Democracy kan hmuh khawhnak le Zomi mipi diknak chanvo humhalh tura din Armed Force a nih avangin mipuite pawhin min support turin covo ngeih khawhnak asi tiah mipi zong sawm chih asi fawn.

Cre : Edward C.L Mawia