Lainu, US Nurse a Simi nih Covid Vaccine aa Chun Ve, Hi ti hin a Chim

Chin miphun lakah Covid vaccines a chunh a hmasa bikmi a si men lai. Hi bantuk a um bal rih lomi atuah hmasa mi hi Chin miphun tuanbia ah a tang ve te lai. Chin miphun chungin Covid-19 khamhnak sii a chunh hmasa mi midang kan theih rih hna lo caah Sayamah Katie Van Zi hi a si lai tiah kan ruah i, a chunh hmasa mi zong an um kho men ko. A chunh hmasa bik tu Chin miphun chungin kan um ahcun comment zong nih theihternak tuah khawh kan si lai. Sayamah Katie Van Zi nih amah pumpak in a tanglei ah hin capar atialmi hi rak rel ve hmanh. 

‘Tuni cu voikhatnak Covid vaccines Kai chunh a si. Hi hnu zarhthum ah chunh than hau. Side effects a tam pah (sii paoh ahcun side effects an um dih ko). Chunh Kai tim bak lo nain a hnu pi ah ka lung Kai thleng than. Got my first dose of Covid vaccines today. I was skeptical, but changed my mind last minutes. Ps. I’ve given thousand of shots, but when it’s time for me to get one, I still get nervous. I was hardcore pretending like I was not scared lol.’ tiah a langhter.

Source: Katie Van Zi

Relchap:-Zualko: Lo vahnak ah thing nih a huai caah a hmun lila ah nunnak liam 

Zahan zinglei nazi 10:24 ah khan Thangsuanlain, kum 28 upa, Pu Engkhawlian fapa, khawruhlian khua, Mizoram i ummi cu an Lo vahnak ah thing nih a nenh i, a hmun ah  a nunnak a liam. Vanchiatnak tawngmi Thangsuanlian hi Pu C. Zamuan lo vah ah i hlawhmi asi. Lo an vahnak nak hmun hi khawruhlian ramchung, hlan chan ah Vai camp an timi thlang, Pu C Ronghak dum phak hlah deuh vak asi tiah an chim fawn. Lo vat ding hin minung pathum an kal. Cuticun lo an vah tih ah Thing pakhat an hau mi nih cun thing dang, a tlu rihlo mi cu a va nenh, thing tlurihlo mi cu a tluknak ding tiah an ruahmi ah tlu tiloin ca dang ah a tlu diam. Cu thing tlu nih cun ruahlo piin Thangsuanlian hi a huai tiah an chim fawn. A riantuanpi hawi le hna nih cun zeitin set dah thing nih hin a nenh le huai hi an thei kholo.Thangsuanlian nih hin a taksa ah hliam hma pakaht hmanh a ngeilo. Asinain, a hmailei angki zal ah a chiahmi phone belte a rawk dih. Hibantukin vanchiat a tawn tikah a mah thangsuanlian hi chonh khawh zong asi lo, minute 10 hrawng a liam hnuah a nunnak a liam tiah a riantuanpi hna nih an chim.Hi bantukin vanchiat an tawn mi cu ngaihchia te bak siko. A chung le caah zeitlukin dah tuar a har lai mu. Christmas caan lio ngelce i, thih le loh an tawn mi cu a pawi tak tak si. Kaltakmi chungkhar bawipa nih umpi ko hna seh. Credit: Save mizoram