Pu Lian Sang nih Tuzaan Khan nih Electric Mei Leih ruang ah mual a kan liam tak (RIP)

Thantlang peng, Lungding khua mi Pu Lian Sang (Ni Len Pa) nih tuzaan lei ah khan Falam khua ah an kan liam tak tiah thawng kan theih. Pu Lian Sang hi fa pathum a ngei, a nupi min cu Pi Hlawn Hniang a si.  Nihin zaanlei suimilam 6pm hrawng ah khan Falam khua ah Electric leih nak in an kan liam tak hi asi.

 

A thih ning kong he pehtlai in an chim ning ahcun “Lungding khua in Falam ah Phone tung tuah ah an va kal hi a si. Phone tung an tuah cuahmah lio ahcun , an Phone tung nih Electric hri a tongh sual i cu ahcun Pu Lian Sang (Sang Te) cu a leih colh. Nanchan in Sizung ah an kal pi ko nain tlawmpal ah a thaw a dih i a nunnak a liam hi asi” tiah kan theih.

Pu Lian Sang (Ni Len Pa) a ruak cu Falam khua in Thantlang peng, Lungding khua lei ah an thawh pi colh. A tu hi lampi ah an um cuahmah lio asi. Rian a ttuan cuahmah lio ah a tu bantuk in vanchiat a ton ko cu lungthin a fak tuk hringhran. A nupi le a fale zawn a ruat tuk ve ko lai mu. Tantak mi a nupi le a fale pathum ca hrim ah tuar a har tuk hringhran lai. Pathian tu nih hnem hram hna seh. A ruak zong tluang tein Lungding khua an phak pi khawh nak lai thlacam nak in bawm hna usih. Source: VOM