Ralkap lei nih Pu Ci Ling, Hakha i Umkheng Tum Ruang ah an Tlaihnak a Ruang an Langhter.

Ralkap lei nih Pu Ci Ling, Hakha i Umkheng Tum Ruang ah an Tlaihnak a Ruang an Langhter. Ralkap lei chimmi hi nan lung a tling cio dek maw? Hi ti hin Salai Tluangte nih cun a langhter:- Lung a hmui e. Ralkap uknak ka duh lo ti langhter nak ca ah umkheng a tummi Keihsih Sang um Pu Ci Ling palek nih tuzaan ah an kalpi. An kalpi le cangka in mino kan i sawm kan i sawm hna i Palek sakhan ah a sining hal ah kan va kal.

An kalpinak an chim ning:  “Kan kalpinak a ruang cu pawngkam minung hnahnawhnak a pek hna ca ah ရဲအက် upadi 47 in case kan tuah. Thaizing ah kan thlah than colh lai. Tangka Ks.50 te lawng dantat a si lai,” an ti. Khuapi tein kan tum komi ziah a mah lawng nan tlaih kan ti? “Amah lawng kan tlaih khawh. Midang cu an zaam manh. An innchung tiang luh hnawh in tlaihnak nawl kan ngei lo” tiah an kan leh than.

Tuzaan mino in a kalmi minung 20 leeng kan si. Lung a hmui, tha a nuam. Ka lung ah a hung chuak colhmi cu Hakha Mino hitluk lung aa rual mi ziah CYO nih tha in an kan hruai duh hnga lo tiah bia kai hal sek keimah le keimah.. A nuam lung a hmui  #Save Myanmar, Source: Salai Tluang Te

Relchap: BREAKING NEWS: US President Biden nih Ralzaam tam tak tak Lak aa Tim Cang

US President Biden nih Ralzaam US lut zat a Phuan Cang Lai. A ruah hlan ah Biden hruaimi Cozah nih US ram i ralzaam a lut ding zat phuannak an tuah cang lai. US ram ah kum khat caah ralzaam dirhmun in a lut kho dingmi zat phuannak an ngei lai. Biden hi Trump nak in a let tam deuh piin ralzaam hna hi US luhter aa tim. Hi thil hi US President ca i aa cuh lio hrimhrim in a biakam a si.   Trump cozah nih khan kum khat chung ah ralzaam 15,000 lawng US ah lutter dingin biakamnak a tuah. 1980 hnu in US i ralzaam lak tlawm bik zat a si. Tutan Biden nih hin zeizat set ah US ram ah ralzaam a luhter lai ti aa fiang lo, asinain a rauh hlan ah a zat a langhter cang lai. US ram i ralzaam luhter zat hi  US President hna kut ah tampi a  um. Ca cawn ni hnihni (Tuesday) khan President Biden nih executive order in Trump policy zohthannak a tuah i cu hna lakah US le Mexico chungkhar aa ttheng cangmi fonhtonhnak ding zong aa tel. Kum 1990 in 1995 karlak ah US ram a lutmi ralzaam hi ram tampi in an si. Russia lei zong in ralzaam tam ngai an lut ve ti theih a si. Cun, US President thiamthiam Barack Obama chan ah khan Ralzaam US lutmi hi karh ter than a si. 2016 ah ralzaam 85,000 bak an si i, cun 2017 kum le bang ah khan cun 110,000 bak an si. Hi ralzaam hna lakah Syrian buainak ruang i ralzaam tampi an i tel rih. Tutan zong ah hin Biden nih hin US ram ah ralzaam tam tak tak a luhter hrimhrim lai ti mi ruahchannak tampi a um. Source: CNN.