Salai Lairamthang nih US Bawmhnak Kong a Tialmi hi Thawngpang tha tuk a si.

President Trump nih tuchun ah “US mipi minung pakhat nih $2000 cio hmuh dingah an i tlak, chim tlak lomi $600 hmuh ding cu a si kho lomi a si’ tiah a chim than. Congress nih a herh lomi ah billion dollar dih in hman nan timhmi hi cu nan hleh bang a hau tiah a chim. Congress nih $900 billion coronavirus bawmhnak bill cu kan hnu zarh ah an cohlan cang nain President Donald Trump nih an bill pass mi tha tein a zohfel hnu ah a lungtlin LO caah minsen a thu duh lo caah an itartahak.

Republican nih $2000 tiangtiang pek hi an duh lem lo, zeicatiah US National leiba hi $27 trillion reng LO a si cang caah US citizen minung pakhat nih kan ngeihmi leiba hi $220000 renglo cio a si cang caah a si. Monday ah hin congress hruaitu hna meeting an tuah than lai i, Minung pakhat nih &1200 cio ngah ding in an lung an ihmu kho men tiah ruah a si. Source: Salai Lairamthang

Relchap:-R. I. P: Christmas Lio Pi I Pa Le Fa Nikhat Ah Thih Cu Lung A Fak Hringhran Ko Mu.

Atu bantuk kan Bawipa Jesuh chuahcam Christmas lio pi i duhdawt tuk mi hna pafa in an nunnak a liam timi thawng kan theih cu ngaih a chia hringhran ko mu. minung thisa in a nung mi poah cu a thi ding lawng te cu kan si ko nain, voi le khat i pa le fa hna mual vung liam hi cu tuar a fak hringhran ko lai. Cheukhat chung le khat hna cu Christmas caan lio hi cu chung tling tein zeitin dah caan sunglawi nuam tein kan hmang ti hna lai tiah i bawh le hmang i timh lio hna i, ngaihchiat lungkaui mithli tlaknak thawngpang tu nih chungkhar muinak a chuah hi cu an tuar a fak hringhran ko lai mu.Nihin ah a kan liam takmi hna pa le fa hna hi Mualcheng khua mi an si tiah theih a si. hringtu an pa hi a min ah Pu Hrangzuala kum 75 mi a si i, a fapa hi Pu C. Laltlanchhunga kum 49 lio a si mi nih hi vawlei taksa kaltak in Pa Pathian sinah a kan dintak cang hna hi asi. Anmah pafa hi dam lo in a sau ngai a kauh cang mi an si tiah thawng kan theih.

Lung a fak ngaingai mi cu hringtu a pa hi zing lei ah a thi i, a fa pa hi chun ah a nunnak a liam ve hi a si. anmah hi inn dang veve in an nupi le an fa le he um cio mi an si i, nikhat chung ah hi bantuk in pafa hna mual vung liam a si tikah chungkhar hna zeitluk in dah an lung a kuai mu. nihin 26 December, 2020 ah an pahnih in inn khat ah a ruak an suang hna i, hmunkhat ah an ruak zong nihin zanlei ahkhan vuinak caan an hmang piak hna tiah thawng kan theih hi asi. kaltak mi hna chungkhar caah hi thawng a theih mi nih an caah a in tuar zia an thiam khawh nak hnga thlacam bawm hna uhsih. Zet Tlau