Lai Paih Zoh a Nuam Chin Lengmang Cang Lai – Salai Kawltu

Lai Paih Zoh a Nuam Chin Lengmang Cang Lai

Lai paih zong zoh a nuam chin lengmang ko lai. WPC nih paih kong phung thar an van langhtermi hi a tha kho tak tak. Lai paih ah a chambau mi tete an van remh i atu ahcun fair bak in Lai paih zoh khawh a si cang lai. Zoh a nuam chin lengmang ko lai. Paih hi kan nunphung he aa pehtlaiimi a si caah kan sunghsak awk bak a si.

World Paih Championship nih an zulhphung an van langhtermi cu a tha ngai. Ruahnak van chuah ve tuah. A tha na ti maw?

Hrambunhnak hmun: Indianapolis, Indiana, USA. Established: November 24, 2017

WORLD PAIH CHAMPIONSHIP PAIH-ZULHPHUNG

Zatlang Paih Zulhphung

  • Kan Laipaih phung ning tein Marbuan in kan tho lai.
  • Zatlang Paih cu Zuamcawh paih ah aa tellomi poh paih khawh a si lai.
  • Minutes panga chung ah an i tei lai.
  • Kan Lai Paih ah tei kan timi cu voi hnih tei ah tei a si.
  • Minute pathum tiang ah an i tei lo ahcun minute pahnih chung taangkomh in paih a si lai.
  • Taangkomh tikah an khuk aa tawng lai, an taang aa tawng lai, cun an lu ding tein an chiah lai.
  • Taangkomh paih tikah paihtlaangtlatu nih a chim ning tein an zulh duhlo ahcun ralrinnak (warning) a pek lai. Ralrinnak cu paihtlaangtlatu nih voikhatnak le voihnihnak a pek lai i a ngaih hlei lo ahcun sungh a pek lai.
  • Minute panga chung i an i tei lo ahcun voikhat a teimi nih teinak a hmuh lai.
  • Zatlang paihnak ah aa paimi pakhat nih tei le teilo kong ah voikhat lawng halnak nawl a ngei lai.
  • An i paih lio i sungh tih ah a kutsih a thalh ahcun khattelei pa nih a duhning poh in cawi in tenghnak nawl a ngei lai.
  • Tovawr cheh in pakhat pa nih a laak tikah a tawcor vawlei a tongh ko zong ah rem tein a hei tengh khawh ahcun a latu nih a tei lai. Sihmanhsehlaw, a laak i rem tein a tengh khawhlo i a latu pa tawcor vawlei a tongh ahcun amah a latu pa a sung lai.
  • Paih bual chung ah a buai-baimi cu kan paih zulhphung ning tein paihbual in chuah a si lai.
  • Rit-hai bu in aho hmanh paih khawh a si lai lo.
  • Caan khiahmi a dih tiang i voikhat hmanh an i tei lo ah siseh, voikhat veve lawng an i tei ah siseh, an i tluk ahcun tam deuh a la tu nih teinak a hmuh lai.
  • A paimi pakhatkhat an si ah, paih zohmi pakhatkhat an si ah khawndennak a ton sual ahcun anmah tein tuanvo an i laa lai.

Tamdeuh a laatu nih a tei lai timi cu:

Teinak ding ca taktak ah a cawi i a tlukpi hrimhrim mi a si lai. Tlaangtlatu bu nih an i laak zat cu an rel lai i biakhiahnak an tuah lai. Paih lio ah ti din khawh a si lai lo.

  • Laipaih i tei kan timi cu:
  • A thal-ka-dak in a tla lai.
  • A tuk-bu-khor in a tla lai.
  • A tawcor in a tla lai.
  • A hnulei liang (a pai) in a tla lai.
  • A thut thuhmun in a tlaak zongah tei a si lai.

Zuamcawh Paih Zulhphung (Middle Weigh le Heavy Weigh)

  • Kan Laipaih phung ning tein Marbuan in kan tho lai.
  • Angki lo in an i pai lai.
  • Zuamcawh Paih ah min aa pe cangmi cu Zatlaang paih ah aa tel lai lo.
  • Minutes pali chung ah an i tei lai.
  • Minute pali tiang ah an i tei lo ahcun minute pathum chung taangkomh in paih a si lai.
  • Kan Lai Paih ah tei kan timi cu voihnih tei ah tei a si.
  • Taangkomh tikah an khuk aa tawng lai, an taang aa tawng lai, cun an lu ding tein an chiah lai.
  • Taangkomh paih tikah paihtlaangtlatu nih a chim ning tein an zulh duhlo ahcun ralrinnak (warning) a pek lai. Ralrinnak cu paihtlaangtlatu nih voikhatnak le voihnihnak a pek lai i a ngaih hlei lo ahcun kan paih zulhphung ning tein chuah a si lai.
  • Minute pasarih chung i an i tei lo ahcun voikhat a teimi nih teinak a hmuh lai.
  • Zuamcawh paihnak ah aa paimi pakhat nih tei le teilo kong ah voikhat caah $100 in voi hnih tiang lawng halnak nawl a ngei lai.

  • Tei le teilo kong biahalnak a fian khawhnak hnga video slow-motion zoh piak an si lai.
  • An i paih lio i sungh tih ah a kutsih a thalh ahcun khattelei pa nih a duhning poh in cawi in tenghnak nawl a ngei lai.
  • Tovawr cheh in pakhat pa nih a laak tikah a tawcor vawlei a tongh ko zong ah rem tein a hei tengh khawh ahcun a latu nih a tei lai. Sihmanhsehlaw, a laak i rem tein a tengh khawhlo i a latu pa tawcor vawlei a tongh ahcun amah a latu pa a sung lai.
  • Paih bual chung ah a buai-baimi cu kan paih zulhphung ning tein paihbual in chuah a si lai.
  • Rit-hai bu in aho hmanh paih khawh a si lai lo.
  • A buaibia mi cu paih tlangtla nih chuahnak nawl a ngeih lai.
  • Caan khiahmi a dih tiang i voikhat hmanh an i tei lo ah siseh, voikhat veve lawng an i tei ah siseh, an i tluk ahcun tam deuh a la tu nih teinak a hmuh lai.

Tamdeuh a laatu nih a tei lai timi cu:

  • Teinak ding ca taktak ah a cawi i a tlukpi hrimhrim mi a si lai.
  • Tlaangtlatu bu nih an i laak zat cu an rel lai i biakhiahnak an tuah lai.
  • Paih lio ah ti din khawh a si lai lo.

Laipaih i tei kan timi cu:

  • A thal-ka-dak in a tla lai.
  • A tuk-bu-khor in a tla lai.
  • A tawcor in a tla lai.
  • A hnulei liang (a pai) in a tla lai.
  • A thut thuhmun in a tlaak zongah tei a si lai.
  • Championship ah champion aa cuhmi hna cu minutes pahra chung an i pai lai i an i tei lo ahcun minute panga chung ttaangkomh in an i pai lai.

FEHTERNAK

Hi World Paih Championship Paih-zulhphung hi April 14, 2019 ni ah Chin Christian Church ah tuahmi Committee le Khuanu-Khuapa komh in fehtermi zulhphung

Source: World Paih Championship 

Leave a Reply

Your email address will not be published. Required fields are marked *