Rung Lian Ceu a tei khotu ding an timi Canada pa nih hin Rung Lian Ceu cu a tei ngai ngai kho lai maw? – Salai Kawltu

Rung Lian Ceu a tei khotu ding an timi Canada pa nih hin Rung Lian Ceu cu a tei ngai ngai kho lai maw?

Rung Lian Ceu a thei khotu ding an timi Canada pa nih hin Rung Lian Ceu cu a tei ngai ngai kho lai maw? Rung Lian Ceu hi a sawh i ruah sual a fawi lai loh awh!. Naga ram i semi-final bak a phan khomi a si caah Lai paih thawng tuktak hna nih cun an tei kho lai maw? ti hi ruahawk tam tuk a um.  Daily News Kawltu nih cun hi ti hin a langhter.

Canada pa hi a balah cu a tut ngai ve. Paih zong thiam ngai dawh a si.

Daily News Kawltu nih cun hi ti hin a langhter.

Canada i ummi kan Laipa Van Lian hi Rung Lian Ceu tei kho tu ding i ka zumh cem mi a si. A ruang cu a mah hi Malaysia a rak um lio zong ah pathawng ngaingai mi a si tiah theih a si, mah cacun ka van thlahnak a ruang zong a si ve, Rung Lian Ceu he zuam ter hrim hrim kha kaa tinh mi asi bak lo i, pathawng a si tik ah Laimi nih kan theih awk ah a ttha ve tiah ka ruah caah ka van thlah nak a ruang zong a si fawn.

Kan Laipa Van Lian hi Canada ah ummi asi i. Paih cah a phu mi asi. A mah kan unau Zophei asi. A hlan ah kahn ramthum nak a rak kal hlan ah Malaysia zong ah a rak um bal cangmi a si. Malaysia a um lio ah Laimi nih theih mi pa za bak asi. A thong ngaingai mi asi.

Kan Lai paih tthawng Rung Lian Cheu he an Weight i khat hna sehlaw van i phomh tuah hnasehlaw zoh dawh bak ko lai. Van Lian hi a body zong a ttha bak ve i, Rung Lian Ceu he hin an body zong aa lo ngai ve. Asinain Rung Lian Ceu a ngan deuh i, mah cacun i phomh kho an si lo, an weight tu ni khat sehlaw i phomh kho an si lai.

Laimi ah hin kan theih bak lomi hna Patthawng taktak mi tampi an um lai tiah ruahnak aa ka ngeih ter i, Laimi kan men lo zia zong a van fian ter ngaingai. Phun dang dang ah Laimi hi kan rak tthangcho taktak cang timi zong hmuh khawh a si.

Hmanthlak ka van thlah mi pawl hi Lai pathawng pa2 Van Lian le Rung Lian Ceu hmanthlak an si, an body6 cu a ttha law law.

Photo Credit : Van Lian & Rung Lian Ceu

Source: Daily News Kawltu

Rung Lian Ceu Kong hi na theih lo sual a hlan i ka rak tialmi hi van rel tuah.

Rung Lian Ceu hi Champion tak tak cu a si. Laimi thinlung ahcun champion bak a si. Tutan ah a voi 12nak Open Naga Wrestling Meet 2019 cu a ropui ko. Laimi in Round 1 teinak a hmumi hna cu Rung Lian Ceu, Hran Tin Thang le Mang Hnin Thang hna an si. Naga paih zuamnak i Lai Pasal hna lakah Round 2 nak in teinak a hmumi hi Rung Lian Ceu amah bak lawng a si rih. Paih min aa pemi Naga le Kala minung 60 leng i Paih thiam bik (the best tactic wrestler) laksawng ah Rs. 10,000 tiang a hmuh hi a sunglawi tak tak.

Rung Lian Ceu hi pe 5’8, kg 97 lawng asinain amah nak i a nganmi tampi a tei hna. Culawng si loin Naga paih thiam miphun hna lak i Open Naga paih zuamnak bak i Semi-Final tiang a phanh khawh hi a za tuk hringhrang. Rung Lian Ceu bantuk paih thawng hi laimi hna lakah an chuak ti lai maw ti hmanh ruahawk a tampi.

Nagaland State hi India ram ahcun Paih a thiammi le ramdang dang (International) tiang i paih ruang i a phanmi tamnak state bak a si. Northeast,India State 8 hna lakah Nagaland State tluk i Paih lei i minthang hi an um lai lo. Nagaland milu hi ting  22.8 (lakhs) bak an si. Hi vialte Naga minung paih thiam lak i Semi-Final tiang a phanh lawng siloin 2 runner up (Pathumnak) a si i a men hrim hrim lo.

Tutan ah Rung Lian Ceu nih 2 runner up (Pathumnak) lukhuh an i cuh lio ah Naga paih thawng Vekuyi Medeo bak a tei. Vekuyi Medeo hi Rung Lian Ceu nih a tei i Rung Lian Ceu cu pathumnak ah phuan a si. Pathumnak laksawng India tangka Rs.1 lakh ($1425.42) bak a hmuh.

Tutan ah Rung Lian Ceu nih a pai pi mi pawl Naga Cakei pawl min le sinak kan van langhter lai i Laimi thinlung ahcun champion a si nak a van i fiang ngai lai. 

Riikukhoto Khusoh: Rung Lian Ceu nih Riikukhoto Khusoh hi fawi tak tak in a tei i First Round in Round 2 bak a kai.

Kubere Nyekha : Rung Lian Ceu nih Kubere Nyekha cu Second Round i a tei caah Second Round a phan. Hi pa hi Naga paih thawng a si ve. Hi ruang ah Pre-Quarter final tiang bak a phan kho.

Dzieselatuo Keretsu :- Cun Rung Lian Ceu nih Pre-quarter final ah Naga Paih thawng le champion tiang a rak sibalmi Dzieselatuo Keretsu bak a tei rih. Dzieselatuo Keretsu hi 2017 kum i Naga Open Wrestling Champion bak a si i, cun 10TH INTERNATIONAL HORNBILL NAGA WRESTLING 2016 ah Champion a si fawn. Hi pa bak hi a tei.

Kekhriezo Nagi

Cun Quarter final ah Rung Lian Ceu nih Naga paih thawng le champion Kekhriezo Nagi cu a tei tthan i Semi-Final bak a phan. Kehhreizo Nagi hi Naga Paih thawng minthang bak a si ve. A voi 46 nak Western Angami ‘D’ Sports Association (WADSA) wrestling meet 2018 i Champion bak hi Rung Lian Ceu nih a tei i Semi-Final tiang a phan.

Vekuyi Medeo

Vekuyi Medeo zong hi Naga paih thawng  minthang thiam thiam a si. Rung Lian Ceu nih a tei i pathumnak dirhmun tiang a phanh khawh nak hi a si.

Venuzo Dawhuo.

Naga cakei ‘The Naga Beast’ ti tiang kawhmi pa Venuzo Dawhuo le Rung Lian Ceu hi Semi-Final ah an tong. Hi Naga cakei hi. Kg 92 a si i feet 5’10 in a sang. State Level Indigenous Open Wrestling Competition (2018) ah champion bak a si fawn. Venuzo Dawhuo nih Rung Lian Ceu a tei ning cu kan theih dih ko lai. Vanchiat tak tak khi a si. Venuzo Dawhuo nih Rung Lian Ceu a tei ning ah a lungtling set lomi le aa cenat lomi an tampi lai. Rung Lian Ceu hi i pai than se law ti tiang a duh tu kan tampi lai. Tutan Semi-Final i Naga Cakei nih Rung Lian Ceu a tei khi vanchiat deuh khi a si.

Menuosetuo Yiese.

Tutan i a voi 12 nak Naga Open Wrestling Championship 2019 i teinak hmutu cu Menuosetuo Yiese timi pa hi a si. Naga cakei Venuzo Dawhuo he final ah an i phomh. Menousetuo Yiese nih teinak a hmuh i Champion ah phuan a si.Menuosetuo Yiese hi Naga paih thawng bakmi a si ve. Kg 118 bak a si i pe 6 bak in a sang fawn. Naga paih thawng champion peng  tawnmi Venuzo Dawhuo zong nikum December 4, 2018 khan a rak tei i  12th International Hornbill Naga Wrestling Champion a si. Hi lawng siloin nikum i tuahmi 26 Naga Wrestling Meet (2018) ah champion a si cang fawn.Hi pa hi a men hrim hrim ve lo.

Rung Lian Ceu hi Laimi caah cun champion tak tak cu a si ko. Laimi caah champion a si hrim hrim nak a ruang ka van langhter rih lai.

Lai Paih le Naga Paih aa Dang Tuk.

Lai paih le Naga paih hi paih cio cio an si nain an Paih phung (rules) hi an idang ngai ngai. Hi ruang ah Naga nawlngeitu hna nih an theih tikah Rung Lian Ceu Naga paih a cawnpiaktu ding ah Coach tiang pek a si.Vawleicung ah paih phun tampi a um ko lai. Miphun hoih cio nih paih phung  (rules) dang deuh tete an i ngeih dih hna. Hi tluk Lai paih le Naga paih aa dangmi ah a voi 12nak Open Naga Wrestling Meet 2019 bak i 2 nd runner up tiang a phan khawhmi hi Laimi caah cun champion a si ko.

Rung Lian Ceu nak i a nganmi Naga Paih Thawng minthang lawng te a tei hna.

A cung lei kan langhter cang bantuk in tutan Rung Lian Ceu he aa paihmi pawl hi  amah nak i a nganmi Paih thawng tampi an i tel cun Naga cakei minthang lawng te an si. Paih ah hin thazaang zong hi a biapit nak tampi a um. Tutan Naga paih hrim hrim ahcun thazaang tampi chuah hau phun a si. Hi bantuk paih phung (Rules) pawl hi Rung Lian Ceu caah a thar bantuk a si. You Tube tibantuk hna in zoh hmanh se law a tak bak i Naga paih thawng pawl he van i phomh colh hi a fawi lo. Asinain hi vialte lawnh dih in voi 12nak Open Naga Wrestling Meet 2019 bak i 2 nd runner up tiang a phan khawhmi hi Laimi caah cun champion a si ko. Hi lawng si loin Paih thiam bik (the best tactic wrestler) laksawng a co hi a sunglawi ko. Paih thiam bik (the best tactic wrestler) laksawng ah Rs. 10,000 bak a hmuh rih. Laimi caah ahcun champion tak tak a si.

Note: Na lung a tlin cun Comment van pe ve tuah. 

Tuni Naga paih Final le Pathumnak kawlnak Video a tanglei ah a um lai.

Photo Credit: Salai Tin Cun Lian & The Chinland Post

Leave a Reply

Your email address will not be published. Required fields are marked *