Rung Lian Ceu le Canada Lai Pa Thawng kongkau ah Mipi nih an Ruahnak an van langhter Cang – Salai Kawltu

Rung Lian Ceu le Canada Lai Pa Thawng kongkau ah Mipi nih an Ruahnak an van langhter Cang

Zahan i Rung Lian Ceu a tei khotu ding timi pa Canada i a ummi Van Lian kongkau ah mipi nih an ruahnak an van langhter cang. Zahan khan Daily News Kawltu nih Rung Lian Ceu le Van Lian hna cu ipai dingin a van tahchunh. Van Lian nih Rung Lian Ceu hi a tei khawh vemi a si tiah a tahchunh. Asinain Canada a ummi Van Lian a theitu le mi dang dang nih hi hna pahnih kongkau ah an ruahnak an van langhter cang. Biakhiahnak zong tuah khawh pah a si ko.  Hi ti hin an van langhter cio hna.

Hprokham: Runglianceu cu champian si nak in a chuak cang i hlam rih ding in ka ruat lo.Atu lio champion he tu khingthlai u sih.

Tluang Hlei Cin: Rung lian cu a tei ka zum lo a pum rualawng si ko lai.

Van Lian Salen: Atei rih lai lo ti cu ruah awk atam tuk ee Canada pa kha voikhat zong ai paih kan hmuh bal tung lo pumrua titsa that lawng aza lo.

Cung Hrin Thang: Rung lian ceu he cun chimh ding si ti a mah cu a fa le hmanh an nungak an tlangval deng cang kha… nan theih lo cun nan mah tluk kha tan rih ko.

September Bikte: Rung lian ceu kha zarkhat chung rawl ei lo in um seh mah hnuk ah ka zumh te lai.

JusTin Lian Ļś: Atei fawn lai lo tuchan thar mino ah Run lian ceu atei kho ding an um rih lo Uk lin thang he lg thei lo an si.

Pa Hniang: Rung lian Ceu le kan u van lian kan tahchung mi hna cu kan hrut pah hla maw ti awk in a um cg ko hih kan lai media pawl kum25 hmanh a tling rih lo mi le kum 50 phan deng mang mi i paih hna sehlaw kan ti mi cu a poi tak tak khi a si ko hih.

Bawi Mang Lianching: Peih hmanh thiam tung lo ee kan u van lian cu.

Rocky Van: Paih hi bumban lawng si lo in thiam a hau ve ee rung lian ceu hi a ngamh mi bak nih cun singkhaw ding si ko.

Salai Bawi MualCin: Rung lian ceu nih minute 1 hlan ah voi 2 a tengg lai.

Thang Kulian: Rawl tam ei khawh ahcun U Van nih a tei khawh men ko😉😉😉a nih hi a ei kho bak!!.Kan lai paih ti ahcun Chuncung nu tar te hmanh a tei hna hnga maw?💃💃😂😂
A ruang cu a pai bal loh!!paih zong hi Malay a phanh hnu Lawng ah a hmuh!!a pum rua cu a tha a dawh..Tahchunnak Lak Na thiam deuh loh!👍👍👍

John Lalramnghaka Zathang: Ainak Runglianceu ban tuk pa2 ni an tei lai lo.lo an thawn nak leh fitness hrim a Runglianceu akum Zat gym a Kal cang.

Lal Chan Zaathang: RLC cu a hohmanh nih an tei lai lo .

Awite Chuntei: A nih cu upa si cang khah.

Sui Kamkam: Ziah Indiana i paih ah cun Vanlian cu rave seh law attha lo maw?

B Hmunglian HlawnCeu: RLC atei kho dg mi nung an sem deng rih loh.

John Lalramnghaka Zathang: Ainak Chim len hla u Runglianceu bantuk minung 2 ni an tei lai lo. Achan chungah laipa ni atei kho ding hohman an umlo.

Aluai Zaathang: Ka kawi vanlian cu an tei la loh.

Kha pawl kha mipi nih an ruahnak an van langhtermi pawl cu a si. A zei a va si paoh ah Van Lian hi Lai pa ahcun mi sawh sawh cu a si lo. A balah a tut i a taksa zong a tha ngai ngai. Rung Lian Ceu he paih dingin a ngamh lai lo ti chim khawh cu a si lo. 

Photo Credit: Vanlian Chhai Hlung

Rung Lian Ceu kongkau ka rak tialmi a rel rih lo caah van rel ve tuah. Rung Lian Ceu kong hi fiang deuh in na theih khawh lai.

Rung Lian Ceu hi Champion Tak Tak cu a Si.

Rung Lian Ceu hi Champion tak tak cu a si. Laimi thinlung ahcun champion bak a si. Tutan ah a voi 12nak Open Naga Wrestling Meet 2019 cu a ropui ko. Laimi in Round 1 teinak a hmumi hna cu Rung Lian Ceu, Hran Tin Thang le Mang Hnin Thang hna an si. Naga paih zuamnak i Lai Pasal hna lakah Round 2 nak in teinak a hmumi hi Rung Lian Ceu amah bak lawng a si rih. Paih min aa pemi Naga le Kala minung 60 leng i Paih thiam bik (the best tactic wrestler) laksawng ah Rs. 10,000 tiang a hmuh hi a sunglawi tak tak.

Rung Lian Ceu hi pe 5’8, kg 97 lawng asinain amah nak i a nganmi tampi a tei hna. Culawng si loin Naga paih thiam miphun hna lak i Open Naga paih zuamnak bak i Semi-Final tiang a phanh khawh hi a za tuk hringhrang. Rung Lian Ceu bantuk paih thawng hi laimi hna lakah an chuak ti lai maw ti hmanh ruahawk a tampi.

Nagaland State hi India ram ahcun Paih a thiammi le ramdang dang (International) tiang i paih ruang i a phanmi tamnak state bak a si. Northeast,India State 8 hna lakah Nagaland State tluk i Paih lei i minthang hi an um lai lo. Nagaland milu hi ting  22.8 (lakhs) bak an si. Hi vialte Naga minung paih thiam lak i Semi-Final tiang a phanh lawng siloin 2 runner up (Pathumnak) a si i a men hrim hrim lo.

Tutan ah Rung Lian Ceu nih 2 runner up (Pathumnak) lukhuh an i cuh lio ah Naga paih thawng Vekuyi Medeo bak a tei. Vekuyi Medeo hi Rung Lian Ceu nih a tei i Rung Lian Ceu cu pathumnak ah phuan a si. Pathumnak laksawng India tangka Rs.1 lakh ($1425.42) bak a hmuh.

Tutan ah Rung Lian Ceu nih a pai pi mi pawl Naga Cakei pawl min le sinak kan van langhter lai i Laimi thinlung ahcun champion a si nak a van i fiang ngai lai. 

Riikukhoto Khusoh: Rung Lian Ceu nih Riikukhoto Khusoh hi fawi tak tak in a tei i First Round in Round 2 bak a kai.

Kubere Nyekha : Rung Lian Ceu nih Kubere Nyekha cu Second Round i a tei caah Second Round a phan. Hi pa hi Naga paih thawng a si ve. Hi ruang ah Pre-Quarter final tiang bak a phan kho.

Dzieselatuo Keretsu :- Cun Rung Lian Ceu nih Pre-quarter final ah Naga Paih thawng le champion tiang a rak sibalmi Dzieselatuo Keretsu bak a tei rih. Dzieselatuo Keretsu hi 2017 kum i Naga Open Wrestling Champion bak a si i, cun 10TH INTERNATIONAL HORNBILL NAGA WRESTLING 2016 ah Champion a si fawn. Hi pa bak hi a tei.

Kekhriezo Nagi

Cun Quarter final ah Rung Lian Ceu nih Naga paih thawng le champion Kekhriezo Nagi cu a tei tthan i Semi-Final bak a phan. Kehhreizo Nagi hi Naga Paih thawng minthang bak a si ve. A voi 46 nak Western Angami ‘D’ Sports Association (WADSA) wrestling meet 2018 i Champion bak hi Rung Lian Ceu nih a tei i Semi-Final tiang a phan.

Vekuyi Medeo

Vekuyi Medeo zong hi Naga paih thawng  minthang thiam thiam a si. Rung Lian Ceu nih a tei i pathumnak dirhmun tiang a phanh khawh nak hi a si.

Venuzo Dawhuo.

Naga cakei ‘The Naga Beast’ ti tiang kawhmi pa Venuzo Dawhuo le Rung Lian Ceu hi Semi-Final ah an tong. Hi Naga cakei hi. Kg 92 a si i feet 5’10 in a sang. State Level Indigenous Open Wrestling Competition (2018) ah champion bak a si fawn. Venuzo Dawhuo nih Rung Lian Ceu a tei ning cu kan theih dih ko lai. Vanchiat tak tak khi a si. Venuzo Dawhuo nih Rung Lian Ceu a tei ning ah a lungtling set lomi le aa cenat lomi an tampi lai. Rung Lian Ceu hi i pai than se law ti tiang a duh tu kan tampi lai. Tutan Semi-Final i Naga Cakei nih Rung Lian Ceu a tei khi vanchiat deuh khi a si.

Menuosetuo Yiese.

Tutan i a voi 12 nak Naga Open Wrestling Championship 2019 i teinak hmutu cu Menuosetuo Yiese timi pa hi a si. Naga cakei Venuzo Dawhuo he final ah an i phomh. Menousetuo Yiese nih teinak a hmuh i Champion ah phuan a si.Menuosetuo Yiese hi Naga paih thawng bakmi a si ve. Kg 118 bak a si i pe 6 bak in a sang fawn. Naga paih thawng champion peng  tawnmi Venuzo Dawhuo zong nikum December 4, 2018 khan a rak tei i  12th International Hornbill Naga Wrestling Champion a si. Hi lawng siloin nikum i tuahmi 26 Naga Wrestling Meet (2018) ah champion a si cang fawn.Hi pa hi a men hrim hrim ve lo.

Rung Lian Ceu hi Laimi caah cun champion tak tak cu a si ko. Laimi caah champion a si hrim hrim nak a ruang ka van langhter rih lai.

Lai Paih le Naga Paih aa Dang Tuk.

Lai paih le Naga paih hi paih cio cio an si nain an Paih phung (rules) hi an idang ngai ngai. Hi ruang ah Naga nawlngeitu hna nih an theih tikah Rung Lian Ceu Naga paih a cawnpiaktu ding ah Coach tiang pek a si.Vawleicung ah paih phun tampi a um ko lai. Miphun hoih cio nih paih phung  (rules) dang deuh tete an i ngeih dih hna. Hi tluk Lai paih le Naga paih aa dangmi ah a voi 12nak Open Naga Wrestling Meet 2019 bak i 2 nd runner up tiang a phan khawhmi hi Laimi caah cun champion a si ko.

Rung Lian Ceu nak i a nganmi Naga Paih Thawng minthang lawng te a tei hna.

A cung lei kan langhter cang bantuk in tutan Rung Lian Ceu he aa paihmi pawl hi  amah nak i a nganmi Paih thawng tampi an i tel cun Naga cakei minthang lawng te an si. Paih ah hin thazaang zong hi a biapit nak tampi a um. Tutan Naga paih hrim hrim ahcun thazaang tampi chuah hau phun a si. Hi bantuk paih phung (Rules) pawl hi Rung Lian Ceu caah a thar bantuk a si. You Tube tibantuk hna in zoh hmanh se law a tak bak i Naga paih thawng pawl he van i phomh colh hi a fawi lo. Asinain hi vialte lawnh dih in voi 12nak Open Naga Wrestling Meet 2019 bak i 2 nd runner up tiang a phan khawhmi hi Laimi caah cun champion a si ko. Hi lawng si loin Paih thiam bik (the best tactic wrestler) laksawng a co hi a sunglawi ko. Paih thiam bik (the best tactic wrestler) laksawng ah Rs. 10,000 bak a hmuh rih. Laimi caah ahcun champion tak tak a si.

Note: Na lung a tlin cun Comment van pe ve tuah. 

Tuni Naga paih Final le Pathumnak kawlnak Video a tanglei ah a um lai.

Photo Credit: Salai Tin Cun Lian & The Chinland Post

Leave a Reply

Your email address will not be published. Required fields are marked *