Aung La Nsang Nih Japan Fighter A Tei Caah Tangka Tamlak A Hmuh,

Aung La Nsang Aa Thongh Man(Dollar sing 2, kawlram phaisa in sing 5000 nak tam)

Sikpar[November] 20, 2022_CCN Channel One Championship nih thonghman zei zat a pek hna hi a thanh bal lo. Sinain Media pawl nih an dotthlat i an theih than tawn( dikthlir cun si kho ve lo).

Aung La Nsang nih Champion a si lio ah thonghman hi dollar sing 2 a hmuh tawn. Nain champion a si ti lo hnu cu dollar sing khat lawng a hmuh. Teinak a hmuh tu ah cun laksawng dollar sing khat chap a si tiah thawngla tu Rauf Chaudhry nih a chim.

Tutan ah Yushin Okami a tei i dollar singkhat a hmuh. Teinak a hmuh caah dollar singkhat pek chap a si.

Round khatnak ah a tei caah laksawng dollar thong 50 hmuh rih ding si nain Yushin Okami nakin a rih deuh caah an pe lo. Tutan thonghnak ah a hmuhmi dihlak dollar sing 2 a si( Tulio dollar thlen in kan tuak ah cun Sing 5000 nak tam a hmuh ti khawh a si).

Myanmar Fight Edition nih a țialmi aa tlak ning in lehmi a si.

Credit : CNN

Kan Lai nusal Olivia Nu cu a tu hi Dam tein Mizoram, Aizawl a phan cang. Miphun le ram caah zeidah a tuah than lai timi fiang tein theih si lo hmanh sehlaw, Miphun le ram caah rian ttuan dingin aa thawhmi a si timi kha kan i fian awk ah ka duh. Australia ram bak in Miphun le ram caah tiah Khuate lei a tlung than mi hi uar lo awk a tha lo. Bawipa nih a lam hruai ko seh.

 

Dam tein Aizawl Lengpui Airport kan phan Dawtu hna le Dawtmi hna nih an ka don lio kai lawm tuk e.❤️Bawipa nih thluachuah inle ko hna seh.

Credit : Olivia Nu

SAC Ralkap Nih Raltuknak Vanlawng 7 Hmang In Falam Peng Ah Kahdohnak A Tuah!

The Chin Post, November 19, 2022 : Chin ramkulh, Falam peng, Tibual khua kiangkap ah SAC ralkap nih Jet Fighter 2 le raltuknak helicopter 5 hmang in nihin November 19 zinglei suimilam 10:00 hrawng in chun suimilam 12:00 tiang tualchung hriamtlai CNDF pawl a kah hna, tiah theih a si.

Tibual SAC ralkap camp ah Helicopter in ralkap thazang 34 a thlak chap hna, tiah theih a si.

CNO Spoke person nih cun “ Myanmar ram tuanbia ah a zual bikmi ramchung kahdohnak pakhat a si lai. Ramchung kahdohnak ah hriamnam tha tha hmang in kahdohnak a tuahmi cu kan duh. Tualchung mipi pawl hliamhma tuarmi an um le um lo kan thei kho rih lo” tiah a chim.

SAC raltuknak Jet Fighter le Helicopter hna hi Moneywa le Kalaymyoe in a rak rami an si, tiah tualchungmi nih cun an chim. Ref: The Rihli Voice

Credit : The Chin Post