D day phuan asi hnu ah thil umtu ning le NUG hmalaknak thawng pang hna, ram chung ah raldohnak anai cang,

NUG acoyah nih AA ti lo ah cun zei poh ah tlamtling ready asi cang, hmun cheukhat hna ah PDF hna sin ah hriamnam hna pek asi cang, hmun cheu khat hna ah cun aphan kho rih lo khi asi an ti, ralring dih kan si ko cang nain raldohnak kan awt rih lonak chan cu, UN meeting hna ngeih rih asi, NUG pawm le tha peknak kan ngah chinchin, South Korea ah Office ngeih asi cang caah onhnak program hna ngeih asi, NUG lei ah peh tlai mi ram an um deuh deuh fawn, UN lei bia chahnak hngah pah deuh zong asi fawn tik ah raldohnak taktak kan kalpi rih lo khi asi an ti.

Atu ah hin ram chung ah thil tampi ninglam ngei deuh in kalpi asi lai caah, ral dohnak lei ah hram kan thawh rih lo khi asi, thil tampi ah tlamtlinnak kan ngeih cang ko hmanh ah tuah ding mi atam rih caah, idoh kahnak kan kalpi hlan ah zei bantuk lei dah tlamtling lonak asi timi tete hna zoh pah, cawlcang pah, tuah pah, hmun kip ah PDF hna sin ah hriamnam aphan dih can ah thil cu asi ning te in kalpi asi ko lai, aherh ning in raldohnak zong kalpi asi ko lai an ti.


Mah caah cun arauh hlan ah NUG bia chahnak le aphi kan hmuh te ko lai, NUG nih akalpi cuahmah lio mi pakhat cu thil tlamtling deuh in tuaktannak ngeih peng asi, D day le ram khel, Myanmar military council hi zei tin dah teinak lam kan kawl lai timi hi asi, teinak kan hmuh hrimhrim fawn lai, Military council ralkap hna nih ram chung mipi sualnak angei lo mi an thah mi le minung 7000 leng thawng an thlak mi hna kong hi UN ai awh U Kyaw Moe Tun nih UN ah report hna apek hnu ah acan a rem ning in kan cawlcang ko lai tiah theih asi.

Atu ah NUG cawlcangnak hi mipi duh ning in rian akal kho lo deuhnak cu, pawngkam ah um mi ram hna kip he peh tlainak tuah aher, theithiamnak le ram chung ah duh tawk in cawlcang arem lo pin ah, Military council hna hi Dan dun ngei lo asi fawn tik ah ralrin tein cawl cang aher caah, kan duh ning tein rian akal cak lonak zong asi, atu ah cun acan arem deuh deuh ko cang, hnulei kan kir ti lai lo, hmai lei panh in kan kal cuahmah ko cang, NUG acoyah hi zumhtlak asi khawhnak hnga Foriegn ram hna he ibiak chawnh aher peng ve, atu ah cun UN tiang akan pawm cang caah rian akal cuahmah ko cang lai.

Mipi hna nan thin phang ti hlah u, NUG nih lam tampi kawl in rian atuan cuahmah peng ko caah, Politic lei in lam kawl aher, Ralkap tha zang lei ah cawlcang aher, tangka kawlnak lei ah cawl cang aher, ral dohnak a um ah cun mipi nih an tuar tuk lo nak hnga zei bantuk lam dah kawl aher timi hna, Medicine lei zong ah hma lak asi, kan hmai ah rian tampi tuan ding kan ngeirih caah, mipi lei zong nih NUG acoyah ah zumhngamnak an ngeih khawhnak hnga civil line lei ah cawlcang ning hna zong zoh pah peng asi, UN biachahnak le vawlei ram lian mi hna lungthin ruahnak tete le theih aher mi hna tiang tlam atling ko lai tiah kan ruah.

Crd, DSM. Dineal Aung Aung