European Union nih Myanmar Military council uknak cu pawmpi lo in NUG le CRPH anpawmpi nak kong phuang asi cang, U Kyaw Moe Tun nih “Democratic Hero John McCain Freedom Award” a Ngah

Myanmar Dictator Min Aung Hliang pawl nih hramhram in Myanmar ram cu thla 7 chung an kalpi ko cang, Myanmar mipi acoyah khawkhan lairelnak lak piak in dictator in uknak an kalpi ruang ah vawlei ram dang dang hna nih Military council cu anrak soisel ngai ngai ko hmanh ah zei rel bak lo in atu tiang an kalpi khi asi, ASEAN ram members hna zong nih military khawkhan lairelnak cu, um zia angei lo pin ah sualnak angei lo mipi an thah an tlaih hna caah, Tuzing ah khan European Union Parliament meeting nih cun Myanmar Dictatorship kong ah, vawi tampi tuaktanpi asi ko cang nain, biachahnak kan ngei kho lo asi nain atu ah cu biachahnak an ngeih piak cang.

EU Parliament ram 27 ai awh hna nih cun Military Council khawkhan lairelnak cu soisel in, Democracy ram dirthan khawh ding ah cun mipi ai awh NUG le CRPH an support tiah an phuang cang, EU nih hin Myanmar ram caah biachahnak 5 angeih mi hna cu,


1. February nikhat in Dictator Min Aung Hliang nih Myanmar mipi cu ralkap nawlngeihnak hmang in nawl an lak mi cu tha ti lo in an soisel hna, mipi ai awh in thim mi hna nih khawkhan lairelnak an ngeih than khawhnak hnga kan support peng lai, Ralkap nih mipi an tlaih, an thah hna mihi dandun buarnak asi caah an soisel ngai ngai, Freedom of Speech, freedom of expression, freedom of worship le constitutional Rights hna upat piak si ko seh.
2. Myanmar Counselor Daw Aung San Suu Kyi le midang ralkap nih hramhram in an tanter mi cu chuah ko cang seh,
3. Myanmar ram nih Democracy, Freedom & Human Rights an ngeih khawhnak hnga kan support tlat lai,
4. Myanmar Dictatorship hmang in Biakin, mosque, school, medical building & biaknak dang dang hruaitu hna an thuat peng mi hi kan soisel in kan duh lo,

5 .CRPH & NUG hi Myanmar ram mipi ai awh tu dik tak asi, Democracy uknak nungter pengtu asi tiin, ASEAN & International Community hna nih an support khawhnak ding ah kan bawm lai,
Mah European Union Biachahnak vialte hna hi UN, ASEAN, US, le Western Countries Asia ram hmunkip ah kuat dih asi lai tiah report peknak ah an langhter ko.

Myanmar NUG Ambassador U Kyaw Moe Tun, Democratic Hero John McCain Freedom Award angah lai,


Myanmar Military Dictatorship an duh lo ngainak Western Countries hna nih an langhter peng ko, European Union Parliament nih CRPH le NUG an support nak vawleipi theih ah phuan asi, Myanmar mipi hna nih Democracy ram dirter than an duh timi alang peng ko, National Unity Government, United Nations of Myanmar ai awh tu Ambassador U Kaw Moe Tun cu, United States, International Republic Institute (IR) nih ‘Democratic Hero’ sinak an pek, Democratic Hero John McCain Freedom Award hi Lithunia Minister Ingrida Symonte, United Nations Ambassador, Ambassador U Kaw Moe Tun, Belarus Political Prisoners Coordinator Council Representative Tatsiana Khomich le Cuba Grammy Artist Willy Chilino hna nih an ngah, Democratic Hero John McCain Freedom Award Ceremony hi October 19 ah Senator Mitch McConnell, IRI President Senator Dan Sullivan, Senator Jhonny Ernst, Senator Lindsay Graham le Senator Rick Scott hna nih pek ding an buaipi ko lai.