Mipi hna sin ah Hnangamnak biacah atha bak “Nathin phang hlah u” Dictatorship hi a hramthawh bak in kan phoih dih lai!

December 29 ah hin KNU Foreign Affairs Minister P’oh Saw Taw Nee nih cun fawrhfelnak an bia chim ah “Mipi hna sin ah rak thin phang hrimhrim hlah u, mah can hi kan tuah ding mi pawimawh tuk mi can asi cang, Kan pu hna can lio Revolution kha atu ah cun atu le fa hna kan cante asi ve cang, can arak phan bak ko cang, mah can hi adonghnak bik kan khar cang laai, Atu can ah hin azung cawp in kan phoih dih loh ah cun, kan dam chung in Dictatorship tang ah kan kun peng ko cang lai! Mah idohnak hi kan nih Karen (KNU) longte hmanh akan tei khawh lo khi asi caah, Atu ram pumpi ah an miphunpi Burmese Kawl hna zong nih can thlenter an duh cang ruang ah adonghnak phan ding in tha le zung an chuahpi ve taktak ko cang.

Atu tan Revolution-ah hin cun mi tampi nih adonghnak phanter an duh ceu cang, mahr uang ah cun, kan nih zong nih adonghnak kan phan hlan tiang kan thuat rih ko lai, mipi hna nan thin phang hrimhrim hlah u law, acan belte tlawm pal aduh khi asi ko, Mah idohnak hi cu dawh ngaite in akal ko lai, mah vialte long cu atutan ka chim rih lai tiah ati, mipi hna nih nakan supportnak ruang ah, zei thil poh kan tuah ding mi hna tlam atlingnak zong asi, mipi nih na kan support lo ah cun kan nih hna cu zei hmanh kan si lai lo, cu caah cun lung dongh lo te in lungrual tein hmai lei panh in kan kalti long long ah mah Revolution hi ahlawhtlinnak kan hmuh ceu te lai tiah ati.

Tu hlan ah cun Kawl pawl nih hin KNU asi ah Ethnic armed forces hrimhrim hi rebel bantuk in akan hmuh, rebel tiin an chim peng fawn nain, mah Spring Revolution nih hin an ruah ning le an pawm ning an thleng piak dih te lai khi asi, rak ngai hmanh u can tamtuk aduh ti lai lo, Tlangcung arm force hna kan tanti ah cun teinak cu kan kut ah a um ko cang, Federal Democracy dik hmuh khawhnak ding ah nang le kei mawhphurnak asi nan thin phang hlah u kan zalong deng mang cang tiin biatak tein mipi acah hna mi bia asi.