01.08.2022 vawlei thawng pang thar ah Ukraine le Russa America le Japan nih Mutual Security Treaty an signed taktak ko cang le thawng pang dang hna cu,
01.08.2022 vawlei thawng pang thar ah Ukraine le Russa America le Japan nih Mutual Security Treaty an signed taktak ko cang le thawng pang dang hna cu,
Ukraine Deputy head of Military Intelligence nih an ram chak lei ah, Russia nih ram alak khua 12 hna cu an lak than cang tiah arak phuang hnu ah, Crimea kal tlang in Russia nih Ukraine chak lei Kherson le Zaporizhzhia region-ah ralkap tampi an kuat ve cawlh tiah chim asi, Oleksiy Vadatursky, Ukraine ah facang thar chuaktu le kuat chuaktu lian bik Nibulon company dirtu le ngeitu, a nupi cu an in ah a um lio nizan (30.07.2022) ah Mikolaiv ah Russia bomb puak ruang ah, a thi tiah local Governor Vitaliy Kim nih nihin ah khan achim, mi dang 2 hna zong an thi tiah theih asi fawn, minung 3 nih hliam angei fawn.
School le hotel building hna an bomb chia an ti fawn, Nibulon hmunpi cu Mykolaiv a si, wheat, barley le Fungvoi thar chuak mi le kuat chuahnak specialist bak asi, Oleksiy thih kong nih hin Ukraine minung thin lung aden bak ko, An President Zelensky nih, “Oleksiy thi cu Ukraine caah sungnak taktak asi, Amah hi tu lio grain market le a kuat chuah lei mawhphurna lian bik ngeitu asi, mah grain hna cu khuat chuah than ding ah timtuah lio pi ah, mual akan liam tak cu poi ati ngai ngai kong zong atu bantuk in arak chim chih khi asi, Dnipeopetrovsk Governor Reznichenko nih,” Nikopol cu fak ngai in Russia nih an bomb ati, tuzing hmanh ah khan Grad rocket 50 hrawng in an residential area bomb a si, mi pakhat hliamhma ngei in, ti le gas pipe zei maw zat chiatter asi ati.
Igor Terekhov, Kharkiv Mayor nih, nihin chun nitlak tiang kan khua chung ah bomb arak thlak peng khi asi ati, mah bomb hna nih hin Private building tampi le acoyah building tampi an bomb chia tiah ati, Russia ralkap hna nih hin Ukraine ralkap hna hi akan doh bal lo, khua chung ah civil minung umnak hna ah Missile bomb hi an kah tawn mi khi asi, Russia kut ah hin civil mi tampi an thi cang pin ah, civil ta building an bomb chiat mi hi atamtuk cang an ti fawn, Russia nih hin Human Right Upadi zong Upat tih zahnak angei lem lo, a rem ning in ralkap hna hi cawl cang ter an si tiah news report ah atu bantuk in anrak langhter mi asi.
Japan zong nih ram venhimnak lei ah ready an si ve cang :- Russia nih Ukraine a thuat/doh ruang ah, Atu ah China nih Taiwan thuat/doh ding ah timtuahnak ngeih bantuk in alang fawn cang caah, Cun South China sea lei ah China cawlcang ning zoh ah hin, Japan nih cun an ram venhimnak lei hi bia tak tein an ruah ve cang, Ralpi II nak hnu ah hin, hmasa bik cem cading ah USA he US-Japan Mutual Security Treaty an signed bak ko cang khi asi, mah hi peh zulh nak ah hin US nih Japan ram hmun 80 ah ralkap umnak ding hmun an dirter lai, Japan hi ram dang ah an ralkap chiah tambik cem asi, mah ralkap hmun hna ah hin US ralkap 60,000 chiah asi fawn lai.
Ukraine President Zelensky nih, “Japan cu Asia ram ah Russia phih/hrem hmasa bi kasi tiin, Russia Central Bank tangka hna cu hren piak cawlh in, Russia cu sumdawnnak lei ah an ram an pek tawn mi cu phih piak cawlh asi, Russia ram ah an technology lei ah thil part phunphun an kuat tawn mi zong phih piak cawlh asi fawn tiah ati, mah pin ah hin US nih raldohnak van lawng tha tuk mi le tu lio an uar bik mi, F-35 hna cu NATO ram cheu khat hna zong ah cawkter/zuar piak an sianh piak lo mi hi, 147 bak cu Japan an cawkter fawn khi asi.
Mahruang ah cun Japan cu ramdang F-35 cawk tam bik cem arak sic ang, Defence lei ah Britain, Germany le Italy hna nak in hriamnam an ngeih tam cang lai tiah an zumh cang hna khi asi, A mah belte cu Japan nih nuclear weapon tuahnak kong ah hin cun, bia halnak ah “No no,” ti peng mi asi ko nain an ngeih ko cang lai tiah mi tampi nih an zumh fawn hna, zar hmasa ah khan Japan nih annual defence statement arak chuah nak ah cun, China timi hi vawi 51 a chim mi langhter asi, ram fih anung mi le an ram caah cun tih anung bik mi asi tiin, fiang ngai ngai in achimnak tar langhter asi, An ram Parliament zong nih an Defence budget cu 15% per cent bak in, tamter cawlh asi tiah, an MP hmun thum then hmun 2 hna nih cun, an constitution Art 9 danglamter in defence lei ah hma thar lak an tim cang tiah news report ah langhter asi.
Japan le US nih fektuk in hriamnam lei thancho nak ding ah hma an lak mi le ram venhimnak ding ah, atu ah US-Japan Mutual Security Treaty an signed mi hi, ram tampi nih an support bak ve khi asi, Taiwan, Singapore, Malaysia, South Korea hna nih US-Japan nih US-Japan Mutual Security Treaty an signed mi hi, China aluling tuk cang ruang ah an support ngai ngai hna khi asi, atu zong mah ram hna hi Nancy Pelosi nih high level meeting, ngeih pi lio tiah theih asi, kan vwalei ram buaiter tu bik ah ruah mi cu Russia le China ram hi asi, aruang cu dictatorship uknak phun in an kal ruang ah hin minung zalongnak ngeih lo mi ram an sicaah asi, politic chim ngam lo le minung duh ning chim khawh lonak ram an sic aah, mah ram hna nih hin an support tuk lem lo khi asi.
xxxxxxxxxxxxx