A Cutluk Ralkap Zer Khawh Hna Cudah!! Zumh Dingah A Tlak Maw An Chimmi Hi??

CDM a Tuah i a Zaammi Pawl Cohlan Lo Ding in Ralkap nih Rinpi Khuami an Chimh Hna.

RINPI POST-INTERNATIONAL: RINPI KHUA MIN TUANBIA

Nihin zanlei sml. 3:30 hrawng ah ralkap motor 4 cu Hakha peng, Rinpi khua ah an phan i, CDM a tuah i a rak zaammi pawl cohlan lo ding in khuami an chimh hna, tiah thawng kan theih. Ralkap nih CDM a tuahmi pawl min le hmanthlak an i ken i khuami pawl an hmuhsak hna buin cohlan lo ding in an fial hna hi a si.

Laitlang cu Kawlrawn bang si loin atu tiang a dai rih i a ttha ngaingai tiah ralkap nih khuami an chimh hna i ralkap le palik rianttuannak dohdal lo ding in an forhfial chap hna. Cun, pakhatkhat thil a can ahcun ralkap nih mipi kan in ven zungzal ko hna, tiah Rinpi khuami sin biachimnak an ngeih hnu ah Hakha lei ah an kir tthan hna, tiah thawng kan theih.

Crd- The Chin Journal

Relchap: Tazacuaimi Lemcang/Hlasa pawl Movie le Hla Chuah Lo ding in TV Channel le FM Radio pawl Nawl an Pek hna.

Pohma 505 in Tazacuaimi Lemcang/Hlasa pawl Movie le Hla Chuah Lo ding in TV Channel le FM Radio pawl Nawl an Pek hna.

No photo description available.

Myanmar ralkap nih Kawlram chung a ngan bikmi Setallite TV Channel Skynet telh in FM Radio vialte cu ralkap uknak dohdal ruang ah tazacuai a tongmi lemcang le hlasa pawl i an movie le an hla pawl chuah lo ding in nawl an pek hna.

Skynet hi Shwe Than Lwin Company nih a ngeihmi a si i, Channel 7 le Mandalay FM hi Forever Group ngeihmi an si.
Nizan ah MRTV le MWD ah pohma 505 in tazacuaimi minung 20 cazin an chuah i Thet Mon Myint, Kaw Ni le Phwe Phwe zong an i tel hna.

Crd- The Chin Journal