A Poi Kho Tuk Ee!! Kawlram Thawngpang Lenglei Chuahnak Ding An Phih Thluahmah Cang!

Thawngchim/thanh nak ah hman mi PSI Salawng Ralkap nih an hrawh
No photo description available.
Irrawaddy ramkulh khua cheukhat hna ah Ralkap nih PSI salawng hmangtu inn paoh le a zuartu dawr hna luhhnawh in an hrawhpiak hna tiah thawng kan theih.

No photo description available.

“Khuabawitlang nih, Palek sin in cakuat aphan. PSI salawng ahmang mi poh nih nan salawng vialte khuabawi zungah rak up dih uh, nan up lo ahcun thahrum hmang in kan in tlaih hna lai anti ti si caah PSI salawng a up mi an tam ngai”, tiah khuami pakhat nih a chim.

No photo description available.

“Dawrkip lut in PSI salawng lawng siloin CHANEL+ zong an lak chih hna, ka hawipa dawr hna cun tuzing a manhmi tangka tinghra zong an lakpiak chih”, tiah dawr ngei pakhat nih a chim ve. Ralhrang pawl nih mobile data internet le Wireless internet vialte an phih hnu thawngpang i thanhnak vial te phih dih an duh caah atu bantuk PSI an lak piak hna hi a si lai tiah pawngkam mi nih an chim.

PSI Salawng cu Myanmar ramchung ah thilcang cuahmah mi Live thlah in Mizzima le DVB hna nih thawng an chim/langhter tawnnak salawng asi caah atu bantuk ralkap nih an hrawh hi asi.

Source – Mizzima/ Via- The Chinland Post