A poi tuk ee…Falam Sandahpiahnak ah Palek nih Meithal bak he hram hram in an chuah hnawh hna!

Kan kawlram ti sining a lin chin leng mang cang ko a poi kho tak tak si. Kan kawlram chung long si loin kan Laitlang chung te hrim hrim ah khuaruah har in Ralkap le Palek biatak tein an cawl ve cang a poi kho tak tak si.

Nizaan Hakha sandahpiahnak zong ah Palek nih Sandahpiah mi pawl an chuah hnawh hna. Hakha khua chung hrim hrim ah meithal puah thong a thang cang. Ti kahnak mawtaw zong in sandah a piah mi pawl biatak tein an kah cang hna. Kan mah Lai Palek nih cun an duh bak lo nain cung lei nih nawl an pek hna ruang ah an tuah mi si tiah an chim mi zong kan theih fawn.

Tuni zong Falam lam zawh nak ah Palek nih meithal le tear bomb ti mi a khu mi bomh bak he an chuah hnawh hna i an kah len hna. Sandah a piah mi lak in minung 3 an tlaih hna ti kan theih. Hi bantuk in kan laitlang chung hrim hrim in mah bantuk kan ton peng ah hin cun biatak tein CNF/CNA nih Laitlang khuapi ah rak dir hnawh in kilven a hau lai. Mipi dirnak long cun Palek le Ralkap hriamnam he thazaang hmang in hram hram in a chuak mi hna cu tei a fawi lai lo. Palek nih an chuah hnawh hna nak Video a tang lei ah rak zoh ve.

Crd: The Hakha Post.