A Poi Tuk Ee…Hakha Ah Ralkap Nih University Siangngakchia Nu An Tlaih!!

Hakha ah Ralkap nih University Siangngakchia Nu Pakhat an Tlaih. Hakha University ah Math Major a cawng liomi nungak no pakhat inn an ttinnak lam cung ah tu zan sml. 10:00 hrawng ah ralkap nih an tlaih. Tlaih a tongmi nute hi Na Na tiah an auhmi a si i Cherry sang, BEHS No. 1 sianginn chak Quarters ah a ummi a si. Thlacam piak nak in mipi nih bawm cio hna usih.

May be a close-up of 1 person, standing and indoor

Crd- The Chin Journal

Relchap: Tuzaan Hakha Khuathar Ah Palik Le Ralkap Biatak Tein An Hraang!

Tu zan sml. 7:45 hrawng ah Hakha Khuathar ah ralkap nih minung 3 an tlaih hna i Innwa Bank hmai ah an kalpi hna. “Minung 3 an tlaih hna i, Innwa Bank hmai ah an kalpi hna. An tlaihmi hna sining hlat ding in kan kal nain atu kha ralkap nih chai in a kan cheih. Mi kan tlawm tuk. Naih awk an ttha rih lo,” tiah Khuathar upa pakhat nih The Chin Journal ah a chim.

May be an image of street, road and text that says "THE CHIN JOURNAL"

Khuathar ah ralkap nih atu zan ah minung 3 an tlaih hna i, Khuathar mipi nih chuah hnawh ding in an kal hnawh nain chai in an cheih hna pin ah meithal voi 3 an puah hnawh hna.Ralkap tam nawn an rak ra chap i a rak chuakmi Khuathar mi pawl cu an naih thluahmah hna.

No photo description available.

Tuzan Hakha Khuathar ah ralkap nih minung an tlaihmi chuah hnawh ding in a kalmi Khuathar khuami pawl ralkap le palik nih Rubber Kuan in an kah hna i minung pakhat a baan hmun 3 ah hliamhma a pu. “Atu cu ralkap pawl zong an um ti lo. An kal dih cang. An thiang dih cang,” tiah Khuathar upa pakhat nih The Chin Journal ah a chim.

Tu zan Hakha Khuathar ah an tlaihmi hna chung ah minung pakhat cu ralkap le palik nih an velh hnu ah an thlah, tiah kan theih.  An thlah tthanmi hi Hakhathar ah a ummi Bawi Tha Thawng a si i, amah he an tlaihmi a hawipa an thlah rih lo.

“Bawi Tha Thawng cu an thlah tthan. Asinain, a hawipa hi an tlaih hna lio ah ralbawi pakhat a thongh ve caah an thlah lo,” tiah Khuathar upa pakhat nih The Chin Journal ah a chim. Tuzan Hakha Khuathar ah ralkap le palik nih lamkam ah a ummi motorcylce pawl an den pin ah motorcycle cheukhat zong an motor cung ah an khin i an i kalpi hna, tiah kan theih.

Crd- The Chin Journal