A poi tuk ee.. Kan Chinmi Palek nih tlaih mi hna tu tiang thlah an si rih lo. (+Photos)

A poi tuk ee,Kan Chinmi chung in kan thawngpang a chia lei a panh chin lengmang. Thlacamnak he biatak tein i bawmh cio kan herh bak hna. Hakha khuachung ,Tidim khuachung le Falam khuachung kan chinram khua hna chung hrim hrim ah biatak tein Sandah a piah mi pawl cu Palek le Ralkap nih an chuah hnawh cang hna. Meithal le tear gas bak he hriamnam i ken in an chuah hnawh cang hna a poi kho tak tak si.

Cu long cu si lo in Yangon ah kan chinmi Ralkap le Palek nih an tlaih mi hna a tu tiang an thlah rih hna lo ti a si. Biatak tein Yangon ah sandahpiah lio le Palek nih zaan hna ah an luh hnawh hna lio caan ahkhan kan chin mi zeimawzat cu tlaih an tong ve. A tu tiang an thlah rih hna lo tiah The Chinland Post ah thawngthanhnak an tuah.

A tang lei ah an hmanthlak kan langhter hna lai, An min langh ter mi le langh ter lo mi zong an um hna, an dihlak in kan chinmi an si dih. An chungkhar an lungre a thei cio lai. Mipi nih Thlacamnak in bawm cio hna usih.

May be an image of 2 people and textMay be an image of 1 person and textMay be an image of 1 person and textMay be an image of 1 person, outdoors and textMay be an image of 1 person and textMay be an image of 1 personMay be an image of 1 person and indoorMay be an image of 1 personMay be an image of 1 person and standing

Crd:- The Chinland Post