America ram ah political party thar a dir “Republican le Democratic” Official hlun cheu khat hna nih dir mi asi,  

US-ah Republican le Democratic official hlun cheu khat hna nih political party thar “Forward Party’ tiah an dir, Forward Party-ah hin Democratic presidential candidate hlun Andrew Yang le New Jersey Republican governor hlun Christine Todd Whitman-hna pahnih cu hruaitu an si, An party hi US politics uktu party pahnih, Republican le Democratic party-hna thlaktu/thlentu ding ah a rauh hlan ah asi cawlh te ko lai tiin beisei nak an ngeih tiah an chim fawn hna khi asi.

Party hruaitu hna nih hin atu ah hram kan thawh cang ko, khuapi dang dang hna ah, can hman asi lai, mipi nih an party thar hi an support khawh nak ding ah campaign tuah peng asi cang lai, September 24 ah hin Houston-ah official-in an party thar hi tlangzarh can hman asi lai, hmaikum thalcan hrawng ah cun party national convention hmasa bikh man an tim fawn tiah report ah an langhter mi asi.

Centrist party thar hi political group pathum funtom in an dir mi asi, hruaitu hna cu nikum ah khan Gallupo-nih mipi ruah ning lak nak ah, America minung hmun thum ṭhen hmun khat nih political party pathum nak third party an ngeih hi a her cang tiah an ruah tiah chim asi an ti, Two-party system kalpi nak, America-ah hin party pathum dir timnak hi arak tlamtling tawn lo kha asi, political analyst-hna zong nih Forward party zong hi tlamtling tuk ding ah an zum lem lo khi asi.

Mah lio ah hin Forward party nih Nikum kum dih lei ah an ram state 30-ah, party registration hi an ngeih fel asi, kum 2024-ah state 50-ah an ngeih kim manh an beisei kong an chim, Kum 2024 kum dongh lei ah President le Congress ithim nak ngeih ding candidate le cuh ve manh ding ah ready khawh ding ah beisei asi fawn, Budget ah USD 5 million in hramthawh asi lai tiah, Andrew Yang nih cun achim, donor zong zei maw zat an um cawlh cang tiah Anderw Yang nih an chim chih fawn khi asi.