Biden Le Modi Nih Myanmar Thil Sining Kong An Ceih Tti Cang!

US President Joe Biden le India Prime Minister Narendra Modi nih Phone in i chawn in Myanmar Ralkap nih uknak an i cuh nak kong cu nikhatni ah khan an i ceih ti tiah theih a si.

Image result for modi and biden

Hruai tu pahnih hna nih cun Kawlram ahhin “a hmaan mi phung lam i dir pi seh law, democratic a si nak hi hmai hngal seh” tiah an lung duh nak cu an chim ti ti’n White House call/chawnhnak lei tlaitu nih a thanh. Ram kip in kan aunak an theih cio hna i bia zong an i ceih thluahmah cang hna ti kan hmuh tikah kan i lawm hringhrang ko. A rauh hlan ah action a herh ning in kan laak piak colh hna seh law a ttha tuk hnga.

Ref: The Irrawaddy.

Relchap:- UN Nih Tuni Ralkap/Palek Cawlcangh Nak Ah Bia A Vun Chim Cang!

Tu ni Tuesday, Kawlram Sandah piah nak cu khua ruah har in a lin sa. Nunnak tiang a liam mi zong an um. Aa khong deng mi zong an tampi an um ti theih a si. Hi vial te hna hi Palek nih, Meithal le Ti methal in an kah hna ruang ah an nunnak hna a liam, harnak le fahnak hma hna zong an i hliam hna. Sandah a piah mi cung ah mah ti hin Palek nih fahnak an pek hna caah UN nih a zoh kho ti lo i Kawl Ralkap cawlcangh nak cu Warning a pek.

May be an image of one or more people, motorcycle, road and text that says "POLIC RFA"

Myanmar aiawh in UN ah a dir mi Ola almgren nih tu ni ah Kawlram Palek hna nih Sandah a piah mi pawl an tuah to hna ning a hmuh tikah, “nan cawlcangh ning hi kan cohlang kho lai lo” tiah warning a pek. A chim duh bik mi cu Sandah a piah mi pawl Ti in an kah hna le an thawnnak rinh in mipi an fahter mi hna kha a chim duh bik mi cu a si. A chim chap rih mi cu, Ram chung i Mipi hna hi an duh nak za long tein zulh ter hna uh, An duh nak langhter nak Freedom an ngeih mi hin kham hna hlah uh tiah Ralkap le Palek cu a phomh chap hna.

May be an image of one or more people, people standing, crowd, outdoors and text that says "FREE RFA"

UN nih daihnak he a bia tu in Kawl Ralkap Hruaitu hna nih Mipi duh nak cu co hlang ding in a bia tein an ruah cuah mah rih ko hna.

Source: The Hindustan Times