Biden Nih Mipi Sinah Lang In Myanmar Kongah Bia A Chim Cang!

US Predisent Joe Biden nih Live in Mipi sinah Myanmar kong Official te in a chim cang. Joe Biden nih Wednesday 10 February ah mipi sinah lang in Myanmar Ralkap cu i biatak ngai in bia a cah cang hna.

Joe Biden nih Kawlram Ralkap cu, rianrang in Mipi nih thim mi NLD Hruaitu le a party pawl hna cu thlah hna uh tiah a mah hrim hrim nih mipi sinah lang in a chim. UN he peh tlai in Ram tam pi zong nih Democracy Myanmar nih a hmuh nak hnga hi an duh piak dih. Human Rights kong ah phunglam thar kan ser mi, Myanmar mipi caah hin kan hman cang lai ti zong a chim chap rih.

US nih cawlcangh nak a tuah tak tak cang! US nih Kawlram Ralkap a hruaitu hna le an business le an chungkhar naih hna cu tu zarh chung ah theih khawh le hlat khawh kan i tim hna lai a ti.Cun, US nih Kawlram Cozah thancho nak lei he peh tlaihnak an ngeih mi vial te cu ah a phih chung rih lai. A sinain a mipi bawmh nak le ttan pi nak tu cu a ngol hlei lai lo. Mipi Sandah an piah nak ah harnak le fahnak an pek mi hna hi kan cohlang kho lo, rianrang in mah zong hi ngol uh tiah a ti hna.

A donghnak ah, Kawlram mipi nan aunak le sandahpiahnak hi kan in theih piak ko hna. Vawlei cung ram kip nih kan in zoh in kan in theih piak ko hna. A herh ning in cawlcang ding in kan in ready piak ko hna.Vawlei cung ram tam pi he ram dang hna zong mah kong ah hin in bawm cio ding in kan cawl cang ko.