Breaking: Laipa Bak Nih A Hawipa Cu Fak Tak Tak In A Velh Hnu Ah Ka Thah Khawh Cang Tiah A Ruah I A Zam Tak Diam

Pa Zam lian Hau tiah auhmi LangZang khuami cu Covid-19 hlan deuh ah khan Mizoram leiah hlawhhlannak a hmantawnmi Motor cu Tio Tivaral ah achiah tak. Virus zawtnak nih ahun kham tikah November 11 lanwgah amotor va ven dingah cycle in aa thawh. Cu dih cun Laitui Tedim lam zawh lei in a rak kir ii Saizang in Mualbem khuataw (Meitei Tiva Pi) a phak ah chikhat a din. Culio ahcun Zangtui khuami Zam Khaw Tut nih kan i vua lai tiah a rak ngiar chih len.

A sinain Zam Lian Hau nihcun kei cu mi he a vua ding le aa tthua ding ka silo. Cu lengah nang le kei cu mi le mi zong kan si ttunlo mah pengkhat tepei kan si ko cu. Cu caah khua lei tu ah tlung tti uh sih tiin a sawm. Asinain Zam Khaw Tut nih tlun a duhlo ii Zam Lian Hau cu a mah alnwg tlung dingin a cycle cu avun hnuu (start) culio ah a hnu lei in Zam Khaw Tut nihcun thingtan in a tuk ii Zam Lian Hau cu a a cycle he a tlu. Hi lio ah tiva pawng i aum mi inn ngei hna nih pengtlang khat rumro mah ti cun i ti hlah uh tiin fak ngai in a rak hro. Zam Khaw Tut nihcun nan mah zong thih nan duh maw. Thih nan duhlo ahcun dai tein um uh tiah a hro chin hna. Inn ngeitu pawl cu mah hnu cun an holh ngam ti lo.

Zam Khaw Tut nihcun a tlumi Zam Lian Hau cu voihnih, thum thintan i a tuk chap rih. A thih lo sual ah tiin a hrom ah nam in a aah chap rih. Pathian zangfahnak in Zam Lian Hau cu a hrom ah siloin a kharuh tang deuh a vun tu a rak aah. Thingtan in a tuknak le nam in a aah nak in Zam Liam Hau cu lungfim lo le thi le hnai he aa ciah. Zam Khaw Tut nihcun a phone a chuah i hman a thlak hnu ah a cycle in a tlun tak. A khua Zangtui khua a phak hlan ah Pangsak khua ah a tang ta. Pangsak khua ahcun tuni i mi ka thah mipa hi hmuh nan duh maw tiin hmanthlak cu mi a hmusak len hna.

A khua Zangtui a phak ah a nu le pa sin zong ah tuni mi pakhat ka that tiin ning hngal taktak in a chim rih. Velh a huah mi Zam lian Hau i nu le pa nih thawngpang an theih tikah an va dawi colh. An fapa Zam Lian Hau cu thi le hnai he lungfim loin an va hmuh. Nu le pa nihcun Saizang i emergency motor an cah i Tedim siizung ah an kal pi. Tedim siizung ahcun a hma a fah tuk caah Kalay siizung ah kal pi a tha lai an rak ti hna.

A tu hi Kalay siizung ah aum lio asi. Velh a huah mi Zam Lian Hau nu le pa nih Tedim palik sakhan ah report an tuah i 10,11,2020 ah Zam Khaw Tut cu Zangtui i a inn ahcun an va tlaih. Zam Khaw Tut i nu le pa nih Zam Lian Hau i a pu Thawng Za sinah phaisa ting 20 he remnak an va tuah. Zam Lian Hau i nu le pa nihcun siizung um man a dih mi hi an mah nih tuanvo an lak ahcun ngaihthiam an si ko lai tiah an ti hna. Asinain Zam Khaw Tut nu le pa nih an lungtling ve lo i a tu tiang an i rem kho lo.