BREAKING NEWS: BIDEN Biakam aa Ruahchanmi Pawl nih Harnak Fakpi an Tong

Biden nih Honduras in US lei panh in a ra mi Honduran Migrants(8,000) pawl hna cu a rannak in kir than dingin ralrin a pek hna. Kan theih cio cang bantuk in Honduras in Biden nih teinak a hmuh timi an theih bak in mi tampi cu US lei panh in an ra thluahmah hna. Hi hi Trump nih a duh lomi thil kha a si. Biden President rian a ttuan lai timi an theih bak in mi tampi an ra hi a si. Biden tu nih ruah lo piin mah ti hin Ralrin a pek hna.

Joe Biden nihcun mah ti hin Honduras in a ra mi pawl cu, US lei panh in a ra mi vialte hna cu a rannak in kir than dingin a chimh hna. A ruang cu ramri hi zankhat men men ah a umtuning thlen khawh a si lo tiah a chim . Guatemalan security forces hna nih fung(stick) le tear gas hmangin an ram lei ah kir ter an timh hna, an buai ngaingai. Honduras in a ra mi hi an minung 8000 hrawng an si, hi lak ah hin hngakchia tete zong an i tel. NBC nih a chim ning ahcun Ramri dirhmun hi zankhat men men ah aa thleng lai lo. Mah cacun Migrants pawl nih hin a tu rih ahcun an theihthiam a hau. Bawmh dingin timhlamnak cu a um cuahmah lio a si. Asinain a tu hi cu khual tlawn caan a si rih lo” tiah NBC nihcun a langhter.

Note : Hi bantuk in Biden nih teinak a ngah bak in Migrants pawl Honduras in an rat nak a ruang bik hi Biden nih Trump nak in migration(Pemnak)nawl ka pek tam deuh hna lai tiah bia a rak i kamh cia caah a si.