BREAKING NEWS: BIDEN President ca i Lawmhnak Inauguration ca i cawn chungnak (rehearsal) cu Mei Alh a Chuah Caah Buainak fakpi an Tong

A ralaimi US President thar lawmhnak puai ca i cawn chungnak (rehearsal) cu tuzing khan tuah a si. Asinain cawnnak an tuah cuahmah lio ah thinphannak nganpi a chuah caah an ngol zokzok than. Tuzing khan US President thar lawmhnak puainak caah cawn chungnak neih a si. Cun tlawmpal ah mei alh cu Capitol building pawn te i hlei (bridge) tang in a chuak.

Inauguration ca i a chawngmi vialte an zaam dih. Mei hi aho nih dah a chuahter i zeitin set in dah a chuah aho hmanh nih an thei kho lo. Mei a chuahnak ah hin aho hmanh aa hliammi le a thimi belte an um lo. Thinphang tak tak in staff pawl cu an um i a rannak in tonpumhnak hmun cu chuahtak zokzok dingin nawl pek an si.  Hi mei hi Capitol building pawn te i hlei (bridge) tang in a chuak.

Aralaimi US President thar lawmhnak inauguration ca i cawn chungnak (rehearsal) zong dongh ter colh a si. Tulio hi US capitol le pawngkam pawl ah thinphannak tampi a um. Chunglei minung hna hmanh nih buainak an chuahpi sual lai ti lunghrinh in an um lio cio a si.

Aho hmanh izumh dih khawh phun a si lo.  Hi mei a chuah hnu ah Fire department lei nih an daihter. Aa  hliammi le a thimi ngai ngai an um lo nain thinphang tak tak in an um cio hna. Source: Daily Mail