BREAKING NEWS: BIDEN President Lawmhnak Puai Ca i Vengtu Ralkap 12 bak Lunghrinh caah an Chuah Cang.

Thaizing Biden US President ca i lawmhnak puai cu ralrinnak le lunghrinnak lawng tein a khat ko. Biden President ca i lawmhnak puai i vengtu ralkap hmanh zumh lo  le lunghrinh in um a si. Atu tiang ah vengtu dingin tiah timi Ralkap minung 12 hna cu online i an ca postmi pawl an hlat hnu ah ralhrang lei a dirpitu ah lunghrinh le puh an si. Inauguration security mission rian in chuah an si.

FBI hna nih hin inauguration security mission caah State 50 in vengtu ralkap 25000 bak cu an konglam dihlak pakhat hnu pakhat an zoh dih. Cu hna lakah minung 12 hna hi lunghrinh ah an chuah. Tutan bantuk tai tai i inauguration security mission a har hi a um rih lo ti a si. Security a sang tak tak. Nai US Capitol i buainak hnu khan lunghrin le tihphannak lawngte a khat. Tutan inauguration security mission hi ralkap pawl hi zeibantuk buainak um hmanh ah ready te bak in a cawlcang ngammi pawl an si. Abik in Biden le a party pawl cu an thin a phang kho tak tak. Source:Daily Mail

 Joe Biden President Inauguration him tein an tuah khawhnak dingah hunhimnak tuanvo latu National Guard 25000 cu ready tein chiah an si, a herhning paoh in security kan laak lai tiah NATIONAL Guard chief General Daniel Hokanson zong nih a chim. anmah Ralkap lila chung in tapung tho in buainak a chuak sual lai timi hi an phan bikmi a si cang. Atu hi an zumh lomi ralkap paoh cu screens an tuah hna ti a si.

President Donald Trump cu US Ralkap, Ralkap pension le palek pawl nih an uar ngaingai mi a si. Ralkap budget le palek budget tam deuh hman a duhmi a si. Asinain Democrats nih cun Ralkap le palek budget thumh a duhmi an si. (Salai Lairamthang)