BREAKING NEWS: Facebook Neitu Pu Mark Zuckerberg nih Trump fak tak tak in Dantatnak a Pek

Facebook ngeitu pu bik Mark Zuckerberg nih cun Trump cu fak tak tak in dantatnak a tuah. Hi ti hin a langhter. “Suimilam 24 chung i duhlonak langhtermi nih fiang tein a langhtermi cu Trump nih a caan dongh office a chuah hlan ah US President thar Biden sin Uknak ichanhnak ah hi phunning te i uknak ichanhnak hi hrawh a timh timi fiang tuk in a langhter. Amah thazaang a petu hna cawlcanghnak cu sualphawt nak in sualnak hmuhpiaklonak nih cun US ram le vawleicung ram vialte lung a rawh ter tak tak. Democracy phun ning tein a tangmi Ni 13 hi a kal i ram mipi dihlak nih biapi ah kan chiah a hau. (mirang in aa tialmi ka lehmi a si)

Kum tam nawn cu President Trump hi kan thilri (FB le Instagram) kan phung ning tein kan hman ter ko. Bia ialnak linsa taktakmi zong a um tawn ko. A ruang cu aho paoh free tein biachim holh rel covo pek an si dih ca a si. Asinain tutan buainak hi cu a phun aa dang tak tak. Cucaah caan tawite a um rih mi chung President nih kan thilri a hman hi a caah a lianngan tuk hringhran. Cucaah a Facebook le Instagram account cu zarh hnih tal cu blocked kan tuah lai.

Hi thil hi dai tein US President uknak ithlen a dih hlan lo cu a si lai’. tiah a langhter. Trump Facebook le Instagram account kan zoh tikah blocked i lang lo ngai ngai cun a um lo. Asinain zahan zan i a capostmi pin ca dang a lang ti lo. Cun Facebook le Instagram hi Mark nih a ngeihmi a si.

Relchap:-Trump zong nih Biden President Thar Thimnak kong ah hi Bia hi a Chim Ve Cang.

Trump zong nih hi bia hi a chim ve cang. Uar um kho tak tak. ‘US president nawl ngeihnak (power) i peknak ding hi a sining dingte in ka tuahpi ko hna lai’ tiah a chim ve cang i buainak dang a um hraw ti lai lo tiah zumh a si. Zahan January 6 i Vawleicung Democracy ram vialte i pa bik ah ruahmi US cozah innpi (Capitol) chung tiang i hnahnawhnak (Choas) an chuahter hi cu a poi hringhran ko.

Hmai a hngal lo taktak. Iran, North Korea le Kawlram te pawl hmanh nih an van nehsawh len le China President Ci Jinping mirh zuai i a um ding ka ruah ah ka celh lo. A poi ko ti hlei chim ding um lo.Sinain, US cu phunghram fek tuk le hruaitu ṭha tamtuk umnak ram si hraat kaw mob rule ke tharuum hmang (violent) in kum 200 renglo a nung cangmi democracy uknak an teiter khawh lo zia an langhter khawh ṭhan i hna a ngam i thawpi a chuak. US cingcing a si ko.

US ram hruaitu (lawmakers) pawl hi suimilam 6 hnu ah Congress innpi ah an lut ṭhan i zanṭim le khuamang tiang biaceihnak (debate) hi an ngei ṭhan. Bia an i al dih hnu le vote pekmi a zoh dih hnu ah US president ding ah Electroral College nih vote sn pekmi cu an fehter (certified) i Vice President Mike Pence nih Joe Biden le Kamala Harris hi US rammi le Electroral college nih an thimmi cu a si tiah a phuan. Congress nih Electroral college vote an fehter (certified) khawh in President Trump zong nih a lungsi lo ngai bu’in US president nawl ngeihnak (power) i peknak ding hi a sining dingte in ka tuahpi ko hna lai tiah a chim ve cang i buainak dang a um hraw ti lai lo tiah zumh a si. (Foxnews: Trump recommits to transfer of power as Congress certified Biden’s Win). Cucaah, hnangam deuh a si ka hei ti ko. A dong taktak cang. Source: The Chin Voice