BREAKING NEWS: Hahkha inn 3 kangmi ah Inn Hlangtu U Tan Win a Nunnak a Liam

Hakha Khuathar ah 3 a kaang i inn hlang U Tan Win a kaanghchih: Hakha Khuathar, Thantlang lampiak phak lai a lam hnihnak ah Pu Kio Ling inn tel in inn 3 a kaang i, mei kangh aa thoknak Pu Kio Ling inn hlang Pu Tan Win cu mei nih a kaanghchih, tiah kan theih. 2021 January 9 zaan suimilaam 11: 00 hrawng ah meikaang aa thok hi a si i, Meithat Zung nih suimilaam a cheu tluk hrawng ah mei hi an daihter khawh.

Meithat Zung lei in motor 8, Meithat Zung riantuan minung 50 hrawng le inn pawngkam minung hna i bawm in mei an hmih tiah kan theih.”Meikaang ruang ah inn 3 a kaang dih i, mei kangh aa thoknak inn hlangtu U Tan Win (kum 36) cu a kaanghchih. Mei aa thok ning hi ihnak khaan electronic Heater a lin tuk i, cu ti cun meikaangh aa thok,” tiah Hakha Pengkomh Meithat Zung nih an thanh. Source: The Hakha Times

Relchap:- Mizo Prophet Mimi Nih Trump cu Pathian Bia Lei in Ralrin a Pek Cang

Zahan naite khan Trump nih cun a hawipa Vice President Mike Pence cu fak ngai in a phomh. Hi kong he pehtlaiin Mizoram prophet nu Mimi nih Trump cu fak ngai in a phomh than ve. Trump nih cun Mike Pence nih hin Ram humhimnak ca le kan phunglam kilvennak caah ralthatnak a ngei lo tiah a rak soisel. Mah party chung lila ah bia i hmuhthiamlonak  a rak um. Trump nih hin US mipi nih biadik an theih a herh tiah a chim.

Trump nih hin Mike Pence hi a phomh. Cun Mizoram prophet nu tiah timi le biaphun phun phun a chim tawnmi Mimi nih Trump nih Mike Pence a phomhmi kong ah hi ti hin fak ngai in lehnak  a tuah ve. Mimi nih cun ‘ Mike Pence hi duh duh i na tuah dingmi na tunu a si lo. US phunghrampi a zulh khi a si ko. Zaangfaknak tein Pathian sin ah ngaithiam hal law, Na sual icir. Cu a si lo ahcun Pathian biaceihnak na hmaitonh a hau lai” tiah a ti. Mimi nih hin Trump hi tutan US ithiamnak ah hin a sung lai tiah a rak phuan chung cia ve cang.