Breaking News: Israel Nih Syria Ram A Kah Hoi Cang!

Israel Air Force nihcun Damascus khuapi chim lei Iran Military base hna cu an Jet Fighters hmang in an kah hoi i, an kah caan hi nizan dar 11:30pm hrawng ah a si i, kan hnu caan rau lo te i Lebanon ram an kah caan he a lo i. Syria Air Defencse in missiles pa 8 hmang i kah a si i, si hmanh sehlaw an vanlawng maw an misile an kah piak ti thawng belte phuan a si loh. Syrian military news SANA tu nihcun , Israel missile te hna cu an kah piak i an hrawh dih tiah an ttial ve fawn.

Israel nih December ni 25, 2018 ah khan Syria ram chung cu F-16 pa 6 hmangin an kah i, an tthuat hnuhnung cem a si, mah lio khan Laser-guided missile tam tuk an hman i, Syrian ralkap tu pa 3 faak tuk in an i hliam fawn. Nizan an cawlcangh hi an kah tthan naak thar cema si i , tukum 2019 ah an vuikhat kahnaak a si.

Israel nihcun Syria a si zongah, Lebanon ram chung i i thuh le ralthuam i khawnh cu a duh bak lo i. Damacus Airport cung zongah Israel Jet Fighters te hna cu an zuang cuah mah tiah Syrian tadinca nih a chim i, Damascus Airport ah Iranian vanlawng an hmuh ahcun an bom bak ko lai tiah hmuh khoh a si.

A lio hi Iran nih civil vanlawng hmang in ralthuam cheu khat Syria ah an luhpi tiah an chim. Nizan Israel cawl cangh ning hi IDF lei nih cun an chim loh i, a thi mi le hliam mi zong chim a si loh.

Leave a Reply

Your email address will not be published. Required fields are marked *