BREAKING NEWS: KAWLRAM cu Ralkap Uknak ah a Lut Than (Ralkap lei nih an Chim ve Mi)

A mak tak tak. Kan zan mang zong i kan manh ti lomi Kawlram thawngpang a chuak. BBC nih cun hi ti hin fiang tak tak in a langhter. Tuzing khan Kawlram Ralkap nih cun Aung San Suu Kyi le a party minung pawl a tlaih hna hnu ah  Kawlram (Myanmar) cu ralkap uknak in hram hram in a lak. Ralkap lei Tv nih a phuan ning ah hi thil Emergency uknak hi dik tein uknak aa thlen hlan kum khat tal Emercecy ralkap uknak a si lai tiah a phuan.

Tuni Ralkap uknak ah Kawlram a chuah than hi Ralkap lei le Mipi cozah (NLD) karlak ah tutan rampi ithimnak (Election) kong ah buainak le bia i alnak  a chuah hnu ah a si tiah langhter a si. Democracy zaukphung in  Kawlram hi 2011 hnu in  a kal hlan tiang kha Ralkap nih a uk. Ralkap uknak tang peng ah a  um.

Ralkap thazaang petu hna nih tutan thimnak ah NLD nih teinak ah hmuhmi ah an lungtlin lonak an langhtermi hmanthlak. Lam ah sandah an piah. 

Tuni ah Ralkap lei nih an chim ning ah ‘ Nawlneihnak cu  Kawl Ralkap uktu bik Commander-in-chief Min Aung Hlaing sin ah pek asi. A ruang cu Election ah lih le hrokhrol in kalpi a si caah tiah an ti. Nay Pyi Taw le Yangoon khuapi  Lam le Sul vialte ah  Kawl ralkap an khat.

Hi kong he pehtlaiin US nih bia a chuah colh ve. US nih a lung tlin lonak a langhter ve i US Secretary of State Antony  Blinken nih ,Kawlram mipi caah kan dir, Party le cozah hruaitu vialte tlaih a tongmi chuah dingin nawlnak an tuah.  Cun  Australia, Foreign Affairs Minister Marise Payne zong nih Ralkap nih  Ram uknak phung upat ding  le tlaihmi minung pawl chuah zok dingin nawlnak a tuah ve. Source: BBC