BREAKING NEWS: Kawlram Vice President Chin pa Henry Van Thio an Tlaih

Hi thawngpang hi a dik ko lai tiah zumhnak nganpi kan ngei. The Hakha Times bak in an langhtermi a si. A dik ko ahcun a poi tak tak.Kawlram cu a buai tak tak cang lai. Chin mi kan pa an tlaih ve cang tinak a si. Zeibantuk cawlcanghnak dah chuak lai ti theih a si rih lo. Lai mino le upa an lungfahnak azual lai. Hi ti hin The Hakha Times nih cun a langhter.

“Vice President 2 Pu Henry Van Thio cu nizaan (Feb. 10) ah khan an tlaih, tiah Pi Sui Chin timeline in kan theih.Hi kong ah Pi Sui Chin nih a ka chimtu nih ka min le thil sining fiang tuk in langhter hlah. Ka ca ah tihnung a si a ka ti,” tiah The Hakha Times ah a chim. Source: The Hakha Times

Relchap: BREAKING NEWS: KAWL Ralkap Sermi State Administration chung ah Pu Ngun Sang Aung cu rian an khinh i amah lei zong nih a cohlan cang 

State Administrative Council chungtel ah Pu Ngun San Aung aa tel: Ralkap nih mizapi thimmi Myanmar ram Cozah uknak an hramhram in an laak hnu Cozah thar an ser mi State Administration chung ah 2010-2015 USDP cozah chan ah Sakremhnak Minister a rak tuan balmi Pu Ngun Sang Aung cu rian an khinh i amah lei zong nih a cohlan ko tiah theih a si. Pu Ngun San Aung nih, “Ruah lo piin rian an vun ka khinh ve tik ah ka lau ngai ko.

Ram le miphun ca ah a si khawh chung in riantuan timi hi kaa timh ca ah ka cohlan ve. Ka miphun hawi ca ah a tha bik in tuan kaa zuam lai,” tiah The Hakha Post ah a chim.Tuzaan 2021 February 11 i ralkap nih an thanh ning ah Chin State Administrative Council member chungtel an thanh mi chung ah Hakha in Pu Ngun San Aung le Tedim in Pu Gu Suan Khai hna an i tel.Pu Gu Suan Khai hi a hramthok ahcun a cohlang hna lo nain atu cu a cohlan than cang hna tiah kan theih.Source: The Hakha Post