Breaking News : Laimi Nih Donald Trump Nan Bawmh Khawh Nak Lam A Van Um Cang Hi.

(Hi hi tunai deuh te khan Trump bak nih a van share) Republican Donald Trump cu a thinhung taktak cang. Supreme Court tiang an phan cang. Cu lawng siloin tutan election ah khan thil dik lo timi paoh paoh Report tuah nak ding a tuah. Mah cacun Laimi zong nih Donald Trump bawmh khawhnak caan kan nei ve hi asi. Trump nihcun “Tell us what you are seeing” tiah nan thil theih mi le hmuh mi poah cu ka chim u tiah thawng thanhnak a tuah. A tanglei ah tling deuh in van rel.

Trump le Biden buai nak bik cu voi tampi kan post ko cang caah nan theih dih lai cang tiah ruah nak kan nei. Tutan ahcun Donald Trump nih thil a diklo a timi paoh report tuah nak ding a van chiah mi kong hi a si. Call khawhnak numer le case report tuahnak ding zong tling tein Trump nih hin a van share. Cu cu a tanglei hmanthlak kan van thlah mi hi asi.

Trump nih report tuah nak a ser mi ahcun hi bantuk hin capar aa tial, “Help Stop Voter Suppression, Irregularities, and Fraud. Tell us what you are seeing. Report a case : http://djt45.co/stopfraud. 888-630-1776.” tiah thil dik lo nan theih mi poah cu ka chim u tiah thawngthanhnak a tuah. Mah cacun Laimi zong nih kan bawmh khawh lio te asi. Democrats pawl nih thil dik lo an tuahmi nan theih poah ahcun Trump nih number a van tarlangh mi ah khin thanh peng khawh a si lai.

(Mah capar hi van rel chap) US ithimnak cu a buai tak tak cang ko. Vawleicung khrihfa a lungtlinglomi an tampi cang. US ram i evangelist minthang Billy Graham fapa, Franklin Graham tiang a lung a tling ti lo. Hi ti hin a langhter than.

Kan rampi (US) cu ningcanglo in le theithiam har tak tak in a tlu cang. Ramkhel buainak le zawtnak hrirai nih minung million hna cu ruahchannak nei lo in a tuah hna. Pathian duhning in thil a kal khawh nak lai thlacam peng rih hna usih. Salm 20:7- A cheu nih rangleng a cheu nih rang an i bochan, asinain kan nih cu Bawipa kan ibochan . Zahan a tialmi ‘ Kan ram ca le tutan thimnak caah thlacam peh zulh dingin kan nawl hna. MI tampi nih tutan ithimnak hi fir a si lai tiah tihphannak tampi a um. Pathian duh ning in a kal khawh nak lai thlacamnak ah zul uh. Pathian ral cu a daih khawh i an i timhlamhnak vialte cu a lak i a can khawh nak hnga tiah a langhter.

(Mah capar hi van Rel chap) US President thimnak kong cu Uisih tlang chungṭuan tiang nih ṭhep lo in rak cuanh cio mi si kaw zei dirhmun dah kan phak cang ti van cuan rih tuah hna usih.

Michigan state vote relmi a fian cun teitu ai fiang rua lai tiah zumh a si nain atu hi hnulei ah a kir ṭhan phun in a um. Neveda lei ah i ṭhial ṭhan kan hau.

Neveda state nih electoral vote 6 an ngeih. Biden nih 264 a hmuh cang. Neveda i a tei rih ahcun 270 a tling lai i ka tei cang tiah zapi sinah a chim khawh men. Nain, Pu Trump nih kan sung ti duh rih dawh si lo. Court ah biatsk tein buaipi an timh.

Khah, Naveda vote rel cangmi le rel ding mi hi van zoh tuah usih. Neveda milu hi million 3 reng lo deuh lawng an si. Vote thla ding in min ai khumhmi hi million 2 hrawng an si. Vote a pe taktak mi hi million 1.6 (77%) hrawng an si. Vote an rel cangmi million 1.5 (75%) renglo a si cang. Vote rel ding a um/taang rihmi hi sing/ting 3.8 (25%) hrawng a um rih.

Biden nih vote 588,252 (49.3%) a hmuh cang. Trump nih 580,605 (48.7%) a hmuh ve. Biden nih vote 7647 hrawng in a thlau/tei rih. An rel rih dingmi vote hi tam ngai kaw aho nih a tei lai ti chim/theih khawh a si ti lo. Cucaah, thindomh le kamseh in hngaak ko rih usih. Uisuh tlang khuabawi zong na sabuti kha na rak lum ṭhan rih a hau ko lai.

Neveda ai fian ko hmanh ah Pu Trump nih na ka tei tiin hnu ah i tawn duh hlei dawh a si lo. Court i buaipi hnu lawng ah zei dah a va lawh telai tiin biafun hau ko…Biakak ah, buai le hnahnawh nak faak ngai a chuak kho zong si. Zahan zaan hrawng zong vei pawl cu khua hluai mai in lam ah an au len i dawr bauh le fir an timh caah palik le National Guard nih an kham manh hna. Minung tam ngai zong an tlaih hna.

Credit : Vanceuuk Khenglawt