Breaking News : Mi Zapi Hman Khawh Ding Coronavirus Vaccine “Veklury” Hmuh Chuah A Si Cang.

A lawmum tuk hring hran. Sii lei thiamsang mi hna nih Coronavirus vaccine cu tam taktak an ser. Kan hnu deuh lebang khan cun news ah Coronavirus vaccine kan ser cang tiah company dang dang an au khuang len. Competiton a sang kho taktak. Covid 19 vaccine ser khotu hmasa bik si cu an duh cio hna. Asinain an vaccine ser mi vialte cu that lo nak tete a um dih caah mipi hmanh khawh dingin approved mi Vaccine pakhat hmanh a um kho rih lo.

Mah cacun Covid 19 vaccine cu zeitik ah dek an ser khawh te lai tiah kan i ngaih tuk cio hna. Zahan ah khan US Food and Drug Administration (FDA) nihcun Gilead’s Remdesivir cu Covid 19 zawtnak zohkhenhnak caah a hmasabik si ding in approval a tuah hi a si. Thawngpang tha taktak khi asi. Gilead’s lei zong nih mipi hmanh khawh dingin hi nak a let tam in ser khawh an i zuam ve colh.

Remdesivir tiah kan theih mi hi a brand name cu “Veklury” ti a si. “Veklury” brand name hi a ser tu Gilead Sciences company nih an phuah mi a si. A sullam cu Remdesivir hi “Veklury” ti khawh a si cang. Veklury hi US President Donald Trump covid 19 zawtnak a kai ah khan zohkhenh nak ca i an hmanh mi sii a si.

A biapi taktak mi cu Veklury hi mah duh paoh in ei ding phun a si lo. FDA nih approved an tuah hnu zong ah hin Veklury hi Hospital le zohkhenh tu tha(Doctor, nurse) um nak lawng lawng ah Covid 19 zawtnak a kai mi pawl kha pek a ngah. Veklury hi FDA in approval hmu hmasabik asi.

Mah ti hin a Gilead Sciences company nih an tial ve ,”Veklury cu a hmasabik le United States ah Covid 19 treatment nak caah approved ngah hmasabik a si” tiah thawngthanhnak an tuah.

Source : Republicworld and Hindustantimes