Breaking News : Nihin Ukranians an cawlcang nak ah Russia fuel tanker an kap chia pin ah hlei/bridge achia maw? theih asi rih lo,

Saturday zing ah Kerch Strait ‘freight train passing’ ah, mei kang fakpi in achuak, Emergency services hna nih hma an lak lio, Fuel tanks a kang siin an chim, Kerch Strait ah lawng kal mi hna a buai lem lo, cheu khat nih cun Ukrainians lei kah chiat asi an ti.

The Crimea hlei/bridge kong hi, thawng pang ngah ngai mi asi, Kerch Strait Bridge an ti fawn, Kerch Strait (Ruasia) le Taman (Ukraine) Peninsula (Ukraine) karlak ah um km 18 tluk bak sau asi, Russia acoyah nih hlei/bridge an tuah mi chung vialte ah mah hlei/bridge hi, asau bik cem asi pin ah, Europe ram ah cun Bridge sau bik cem arak si, 2014 ah Russia nih Crimea ram a chuh piak mi le Russia mainland kal nak zong asi, 2016 kum ah an tuah hrmathawh kha asi, Robles 230 trillion US $ 4 trillion hrawng) dih in an tuah hnu ah 2019 ah khan an dih/completed asi.

Nichiar in Car 15,000 hrawng an tli/kal tlang tawn tiah theih asi, atu ah Russia Ukraine idoh ah hin, Ruasia nih chak lei in thil mamawh laknak bik ah hman mi zong asi, Nihin ah khan Oil tanker a tli/kal lio ah thil fak nwan in a puak kha asi, mah bridge hi achia maw? timi thawng pang fiang theih asi rih lo, Putin nih cun hlatthlai ding in nawl pek nak achuah cawlh,  Russia transport ministry lei nih cun, Ukriane ralkap hna thil tuah mi asi khawh tiah, an zumh khi asi.

A tu ah hin hmun dang dang hna ah Russia ralkap hna cu, Ukraine ralkap hna nih an nawr ngai ngai lio khi asi, Russia acoyah ralkap reserve 300,000 a lak thar mi chung in, 200,000 nih cun Idohnak hmun an phan cang siin, Russia defence ministry nih a phuang, nain, hnulei an ithawn/kir thiamthiam ko khi asi rua? Russia ralkap hna nih hin Idoh hi thatho lo le zuam/phurnak hrimhrim an ngei lo ruang ah, an ral doh nak nih umzia a ngei lo khi asi deuh in alang, Cun, Russian mino/youth tampi hna cu “Thah ding ralkap” ah luh cu an tih ruang ah, an ram an chuah tak cuah mah lio asi fawn cang.

Kremlin lei hi an hrohrang ngai ko hmanh ah, mipi nih an support tuk lo khi asi, Ukraine hi US le adang hna nih, hriamnam le tangka hna in an bawm peng fawn khi asi, Russia Tanks le Meithal pi pin ah, Idohnak Motor an tlaih piak mi hna cu, German engineer hna nih anrak repair piak ve lio khi asi, mah motor hna cu an mah Russia pwal thuat/dohnak ah an hman cawlh fawn khi asi, Ukraine caah rem cang ngai mi thil pakhat asi pin ah an hlawknak zong asi.

Russia nih hin hriamnam lei ah tuhlan bantuk in duh tawk in hman ding an ngeituk lem ti lo khi asi cang rua? Iran Drone zong 80 hrawng an hman cang tiah news report ah langhter asi, Tactical Nuclear Bomb hna hi (Atom Bomb ahme mi pawl, killo tones 5-50 hna hi hman ding ah a chim tawn peng mi kha asi, Hiroshima bomb nak ah an hman mi kha killo tones 15,000 a si timi theih fawn ko sihlaw, Tactical Nuclear bomb anti mi hna hi cu, Meithal pi he zong kah chuah khawh mi asi an ti.

Russia nih hi bantuk bomb hi hman an duh ko lai tiah anrak phuang peng kha asi, nain thlanglei acoyah hna nih hin, an tih tuk lem lo khi asi rua? a hmang asi phawt ah cun, thuat/doh ve cawlh ding kong arak phuang ve kha asi ve fawn, France le British nih a ngeih mi hmanh hi tih anung tuk cang mi asi, tih anunnak chan cu mah bomb hme hna hi, arak hman bak ah cun, Bomb tih anung mi hi an hman zulh cawlh ding khi asi, Amerika president nih cun, Armageddon ralpi achuak cawlh lai tiah arak chim mi kha asi.

Vawlei ram hruaitu hna nih an tih pi bik mi cu, Valadimir Putin nih hin, beidawn ningzah bu ah le thinhunnak asum kho lo tik ah, Nuclear weapons hi a hman duh ko lai timi hi, an thin phanpi ngai mi asi, Russia bawmtu hna nih “Russia nih hin thazang taktak chuah in an thuat rih lo, an titawn ko hmanh ah thazang taktak a ngei ti lo, Nuclear Bomb long te hi a bosan cang mi asi cang an ti, tangka le hriamnam an dih mi hi atamtuk ko cang fawn, hriamnam cu an ngah ko tiah mikip theih asi ko hmanh ah hin, an hman mi hi atamtuk cang an ti.

An ralkap hna hi ral dohnak lei ah thazang an ngei fawn ti lo, Dictator tang ah um hi mipi hrimhrim nih an duh bak ti lo khi asi cang fawn, Myanmar ralhrang Bawi Min Aung Hlaing zong kan hnu lei deuh ah khan, Russia ram ah a tlawngnak chan cu, hriamnam beisei asi ko nain, Russia nih hin pek ding a ngei ti lo caah tak lawng in a kirter ko cang kha mu!