BREAKING NEWS: President Trump nih a voikhatnak caah Media hmai ah bia a Chim Cang

Trump biachimnak video link a tanglei bik ah aum lai. 

Tuni ah Trump cu Media hmai ah a voikhatnak caah bia a chim ve cang. Tutan ah Trump nih Big Tech (Facebook, Instagram le Twitter) cu biatak tein a phomh i lehnak a tuah. Trump hi Facebook le instram ah ca post kho lo in an kham. Cun Twitter ahcun a chuah bak in an chuah. Mipi he pehtlaihnak ca i a hman tawnmi Social media ah an kham mi kong ah mi tampi an lung a tling lo ngai ngai.

Tuni ah media hmai ah hi bia hi a chim. ‘ Big Tech (Fb, Instagram le twitter) hna nih hin kan ram caah thil tha lo tak tak an tuah. A hlan i k a rak chim chungmi bia a tak ah an tling. A hlan ah tuan tein ka chim cang, asinain mipi nih zei ah an rak rel tuk lo. Big Tech nih hin palhnak nganpi an tuah. Hi thil an tuahmi hi kan ram caah a tha lo ngai ngaimi thil a si.

Hi thil thalo an tuahmi nih hin midang zong thil tha lo tuah dingin lam an hmuhsak bantuk a si. Hi nih thil tha lo tampi a chuahter i tihnung thil tampi zong a hrin. Hi thil hi an tuah lo ding hrimhrim a si. Tutan bantuk i an thinhunnak hi ka hmu bal lo.  Buaibai le thahrum thawhnak hi zeitik caan paoh ah kan hrial awk a si. Thazaang a kan petu zong an tam tak tak.

Cun biahaltu nih Tutan US Capital i thil cangmi kong ah zeidah na tuanvo?? tiah bia a halnak cu hi ti hin a leh ‘ Bia ka chimmi le ka tialmi Social Media le Tv pawl ah nan zoh ahcun  nan thei lai. Mi tampi nih cuai an thlai i tha tein an zoh ko. Ka chimmi hi a luannak hrim a um lo, asinain buainak dang pawl Politician pawl chimmi kan tuak ahcun kha kha buainak tak tak tu a si. Ka chimmi kha tha tein an hlathlai tikah a buainak hrim a um lo tiah a chim.  Source: Rumbble 

Tuni Trump biachimnak Video link ; https://rumble.com/vcp5kx-trump-breaks-silence-speaks-to-media-for-first-time-in-days.html?mref=23gga&mc=8uxj1&fbclid=IwAR39IGGmo9elSzcUgdxgv6Um55XRbhbQcuZzKsaXwiCSCGWezYpUzWtODAY