BREAKING NEWS: Ralkap uhnak tang nawl ngeitu nih tuzan ah Hakha le Thantlang ah Mi an Tlaih Cuahmah

Breaking News: Ralkap uhnak tang nawl ngeitu nih tuzan Thlantlang thimnak Comission zung haotu, chungtuan Salai Khin Aung Ling @ Sang Sang le Hakha Comission zung haotu Pu Thla Kio Lian an tlaih hna tiah kan theih. Thantlang in an tlaihmi hna zong Hakha lei an ratpi hna. Kawlrawn lei ah thimnak Comission riantuantu tampi an tlaih cang hna tiah kan theih.

Cun, u Ronnie Thla Kio Lian (YMCA), Hakha peng Thimnak Comission ah a telmi cu tuzaan tim 11 fai ah, Ralkap nih an tlaih i an kalpi tiah naihniam sin in kan theih. Pu Ronnie Thla Kio Lian (YMCA) ကိုစစ္တပ္မွယေန႔ညဖမ္းဆီး ၁၁ နာရီခန႔္တြင္ ဖမ္းဆီးေခၚေဆာင္သြားခဲ့သည္။,An tlaihnak a ruang cu theihfian a si lo nain, Thimnak Commission (Eliection Commission) Pengkulh huap in a tel nak he pehtlai a si lai tiah ruah damh a si. Source: The Chinland Post.

Relchap:- Chin University siangngakchia pahnih zong palik nih an tlaih ve cang hna tiah theih a si. Chin University Students In Rakhine State (CUSR) member a si ve mi Mai Yadanar Aung cu nizan February 9, 2021, zan suimilam 9pm hrawngah Rakhine ramkulh, Ann myone palik nih a inn ah an va tlaih tiah theih a si.Ann myone palik nih Mai Yadana Aung a inn ah an tlaihnak kong he pehtlaih hrintu anu Daw Tin Tin Aung nih “Zan suimilam 9 pm hrawngah kan inn ah an ra i an rak tlaih. Tlaihding timi warren zong an chim lo. Sandahpiah ruangah kan rak tlaih an ti ko. Tu bantukin zan ah an rak tlaih tikah anu sinak in ka fanu caah ka lungrethei tuk. Nu a si fawn tikah mu” tiah a chim.Mai Yadana Aung cu CUSR chungtel member pakhat a si bantukin CUSR-Ann ah Secretery a tuan liomi a si. Tu bantuk nu pakhat zan tim rat hnawh in a tlaitu Ann myoma palik pawl tuahnak cu CUSR nih fakpi in kan soisel tiah an facebook page ah an tarlangh hi a si.


Cu lawng siloin CUSR chungter member thiamthiam a simi Salai Min Htike Aung zong Ann myoma palik nih tu zing ah an tlaih ve tiah theih a si. Nizan February 9 ni ah Ann khuapi chung i ralkap uknak lakmi duhlonak langhternak sandahpiahnak i aa tel ve caah an ti i palik nih an tlaih ve tiah theih a si.
Tu lio dai tein duhlonak langhternak kong he pehtlaih in Ann khuapi chung ah tlaih a tongmi mipi minung 6 an si cang i cu chungah Chin University siangngakchia CUSR chungtel member pahnih Mai Yandana Aung le Salai Min Htike Aung hna an tel ve tiah thei a si.


Tutan dai tein sandahpiah ruangah tlaih a tongmi hna cu upadi pohma 25 (runvennak upai) ning in Ann myoma palik sakhan nih taza an cuai tiah theih a si. CUSR lei zong nih kan chungtel tlaih a tongmi an thlah than khawh colh nak hnga kan izuam cuahmah lio asi tiah CUSR nih an facebook page ah an tarlangh hi a si. Source: Chin University Students In Rakhine State (CUSR)