Breaking News : Ram Caah Tiah A Duty Mi MZP Hruaitu Hna Cu Mizoram Police Nih An Tlaih Hna.

A poi kho taktak si. Ningzak ngaingai khi si. Assam le Mizoram buai nak cu a linsa ngai rih. Zahan ah khan Assam lei nih motor lam(road) bak an block. Assam lei nih lam an block ruang ah Mizoram nih harnak tampi an tong. Mah cacun Mizo Zirlai Pawl (MZP) hruaite te hna an thinhung taktak. Nizaan ah khan miphun dang motor hrim hrim cu Mizoram chung lut kho lo dingin MZP nih lam bak an block ve.

MZP Vice President Pu. Peter Chhangte le a nau le nih lam an block mi cu Tu zinglei suimilam 3:40 ah khan Mizoram Police nih an tlaih hna i, Vairengte police station lei ah an kal pi hna. Hi bantuk in thil a can caah Mizoram mipi an thinhung taktak. Kala pawl nihsawh men men dingin kan um tiah an zai len.

Hi kong he pehtlaiin MZP General Headquarters ah Emergency meeting an nei colh lai i, zeitin dah biachahnak an neih lai timi cu an chim tti hna lai. Hi bantuk in mZP nih miphun dawtnak ruang ah lam an block ve tik ah Mizoram police nih an van tlaih hna cu lung a fak bak ko lai. Kala pawl nih an duh paoh in lam an block i, an tlai bal hna lo. A poi kho taktak si Mizoram i hruai dan hi cu.

Source : Mizo Special Report