BREAKING NEWS: Timit cho i aa Letmi Pu Chum Ling Motor aa Let (VIDEO)

Breaking News: 2021 January 30,Tuni ah lairam ah vanchiatnak fak tak tak kan tong.  Video link zong a tanglei bik ah a um lai. Hi ti hi The Hakha Times nih cun  langhter:  Thantlang lei (Tlangpi in a rak i thawh mi) Parado motor in a rak i thawh mi Pu Chum Ling (Tlangpi) motor aa let.

“A fanu le Pu Chum Ling cu January 30 zaanlei suimilaam 2:30 tluk, Hakha in meng 4 hrawng hlatnak, Timit cho ah aa let i an thi,” tiah Health Volunteers Group in tuanvo ngeitu Pu Chan Hrem nih The Hakha Times ah a chim.

Pu Chum Ling motor hi kan hnuleite zong ah Thantlang Pu Thang Hrim Sia zuatnak pawng ah a motor aa let i minung 2 an rak thi bal. Aa hliam mi zong an rak um. Source: The Hakha Times

The Hakha Post nih cun hi ti hin a langhter ve.Breaking News: Thantlang peng, Tlangpi khua Pu Chum Ling le fanu motor khawnsualnak in an nunnak a liam.Thantlang peng tlangpi khua Pu Chum Ling Motor cu Hakha lei a rat lei ah, Hakha khuapi phak lai, Keivang zuan pawng ah a tla i minung pahnih (2) an thi tiah kan theih.

An ruak cu Hakha sii-inn lei ah an kalpi hna. January 29 (nizan) zong ah Matupi le Razua kar ah motor aa let i, minung pakhat a thi tiah theih chap a si. Thawngpang tling in thang than khawh kan rak izuam than lai. Source: The Hakha Post

Video link ka hin van zoh. https://www.facebook.com/hakhatimesdailynews/videos/pcb.197034002166697/3853719678076250/