Breaking News : Trump Caah Thawngpang Tha Tak Tak.

Trump caah thawngpang tha taktak a van chuak than cang. Thawngpang thar te bak asi. Kan theih cio cang bantuk in a tu US Election ah Biden nih 264 electoral vote a hmuh cang i, mah lio ahcun Trump nih 214 electoral vote a hmuh ve cang tiah kan theih ning le kan rel tawn ning kha a si. Asinain vawlei cung News zumh tlak bikmi le a ngan bikmi pawl simi BBC nih mah ti bak hin a van tarlangh. A tanglei ah tling deuh in van rel.

BBC nih mah ti hin a van langhter. Biden nih 253 electoral vote a hmuh cang i, Trump nih 214 electoral votes a hmuh cang tiah an rak langhter. Biden nih 264 electoral vote a hmuh cang tiah News tampi nih an tial mi kha dik lo dawh a si cang. Biden nih hin 253 electoral vote a hmuh ahcun Trump caah thawngpang tha taktak khi asi. A ruang cu Biden nih hin Nevada ah tei nak hmu hmanh sehlaw 270 electoral vote a hmu tling rih hlei lai lo. Nevada hi 6 electoral vote lawng lawng umnak a si caah Nevada ah tei hmanh sehlaw 259 lawng lawng a si lai. Trump cacun Thawngpang tha taktak khi asi.

A tu US vote pumpuluk thlak cangmi ah hin Biden nih 4 million bak in a tei rih. Vote hi a pumpuluk ah minung 145 million bak nih an thlak cang. Asinain vote tam taktak rel lomi a um rih. A tu hin Vote rel cuah mah lio a si caah final result ah cun Trump zong nih tei kho asi. Asinain a tu dirhmun ahcun Biden dirhmun cu a tha deuh bak ko. Final Result ah zeidek an lawh te hnga, hngak phawt ko hna usih. Source : BBC

(Mah capar hi van rel chap) Donald Trump hi mawhchiat ding a si hrim hrim lo, a mawh bak lo. A tu dirhmun ah Biden nih a dih lak in Arizona, Georgia, Nevada le Pennsylvania ah a tei cuah mah lio asi. Hi vialte ah hin Trump nih Election zaan tiang kha cu a rak tei dihmi asi. Asinain nikhat hnu nikhat mak tak tak in Trump cu a sung chin lengmang. Mah cacun Trump cu a lung tling kho ko. Legal tein vote rel sisehlaw fawi te in ka tei bak lo. Asinain illegal a tam tuk caah ka mak taktak in Biden vote cu an van tam tiah a chim.

Mah ti hin Trump nihcun Biden fak tak tak in a hrocer, “Joe Biden nih hin dik lo taktak in President office hi neih a timh awk a si lo. Dik lo taktak in cun kei zong nih neih ka timh khawh ve. A tu in cun Phung ning tein thil a kal cang lai” tiah a hrocer. Trump nih hin Biden cu dik lo taktak i President Office neih tim ah a puh. Trump nih hin a tu tiang ah White House cu fawi te in mi kut tang ah chiah cu a siang bak rih lo.

Trump nihcun mah ti hin a chim rih, “A tu an rel lio mi state dih lak ah hin Election zaan tlai tiang kha cu Biden hi vote tam taktak in ka tei dih hna. Asinain ni le caan a van liam hnu tu ahcun mak taktak in tei tu cu ai thleng.” tiah election ah thil dik lo a um nak kong a chim.

(Mah capar hi van rel chap) Breaking News: Georgia State i vote pawl cu an rel than lai. Election a dih rih lo. Trump caah ruahchannak a pelte a um than. Georgia ah hin Electoral vote 16 a um ve. Atu tiang ah Vote 5,500 lawng rel ding aa duh cang caah le Trump le Biden an vote hi aa thlau tuk lo caah rel than hrimhrim a hau ti a si. Tunai te khan Georgia’s Secretary of State a simi Brad Raffensperger nih thawng latu hna sin ah phuan.

Georgia i vote thlakmi 5 million vote ah hin Trump le Biden nih 49.4% hrawng veve an hmuh. An i tluk tak tak. An vote hi aa hlat lo. Cucaah relthan dingin ti a si. Trump nih hin tutan vote rel ning kong ah complain a tuah mi an cohlan tinak a si. Asinain Georgia i vote relthannak nih tutan President ding theih zokzok nak lam a dawn hlei lo. Biden nih Pennsylvania a tei cun a dih thiam thiam. Asinain Trum caah thawngpang tha bantuk a si.

Source : Daily Mail

(Mah capar hi van rel chap) US Election a Buai Tuk Cang. Vote relnak hmun bak minung 2 nih luhhnawh an i tim, Palik nih an tlaih manh.US ram cu a buai cang ko. Vote an rel cuahmahnak Vote thlaknak hmun bak minung 2 nih sobul (hammer) he luh hnawh an i tim, asinain Palik nih an tlaih manh. Pennsylvania hi Trump le Biden caah veve ah a biapi tak takmi hmunhma a si. Pennsylvania State i Philadelphia khua Palik hna nih cun minung 2 hna nih Pennsylvania Convention Center i luhhnawh an i timh lio ah an tlaih manh.

Vote hi rel cuamah lio pi ah hi thil hi a van cang. Hi minung hna hi an thilri he Palik nih an tlaih manh hna. Philadelphia mipi hna nih hi hmun ah hin vote ceilak an thlak i vote an rel cuahmah. Philadelphia ah hin vote hi 84% an rel cang.  58,642 vote rel aa duh rih.

Atu tiang cu Trump nih hi hmun hma ah hin vote tam deuh a hmuh rih. Pennsylvania State dihlah ah 49.6% Trump nih a hmuh i Biden nih 49.3% biden nih a hmuh ve. Vote rel cangmi 95% a si cang. Cucaah hi State hi a biapi tak tak. Trump thazaang a petu maw an si Biden thazaang a petu dah an si ti langhter a si lo. Trump nih tutiang vote tam deuh a hmuhnak a si.

Relchap: A tutan election cu abuai ngaingai, minung pakhat le pakhat zong an I kian duhlo. A fawinak kan chim asi ahcun tthutdenh an I kian duhlo Trump nih a tthutden a kianh duhlo zong asi ii Biden zong nih sungh pek aduh ve baklo. Cu tikah tazacuai in biafiang cu chah asi telai tiah zumh aum bik.

Biden's Lead Grows; Trump Takes Election Fight To Supreme Court | White House, US Patch

A fiannak chim ahcun a tu vote ah hin Biden nih teinak ahmuh si zongah Trump nih teinak  av hmuh ko zongah biafiang taktak cu chah colha si lailo. Tazacuai a si lai ii cu hnu cun President asiding an I fiang telai tikhi asi. Cu zawn te ahcun Trump caah tlawmpal te ruahchannak a ngeih rih ti asi. Cun a tu states 4 ah hin Trump nih ka awng kolai tiah aa ruahnak hmun a si.

Biden v. Trump | Planned Parenthood Votes

Biden cu vote 6 telawng aa duh ii Trump nih 46 aa duh ve. A tangmi pali chungah Biden nih vote 4 te a hmuh ahcun a tei tikha asi ko. A fawinak kan chim ahcun a caah biakhiak tu a si khan khi si hnga. Cun Trump nih atei dih ve asi ahcun Biden caah a dih ve khan asi lai. Nain an pahnih caah an vun buai taktak nak asi ve.

Polls, Odds Agree: Joe Biden Man to Beat in 2020 Presidential Election

Cu caah Trump caah ruahchannak a um baklo ti hia diklomi a si. Ruahchannak tampi aum ko rih cu caah thlacam in bawm ve cio hna usih. Thin atur hringhran ko a tu a tangmi states 4 chung te ah hin teitu le sungtu cu theihkhawh asi cang lai. Bawipa remruat si koseh aa teichom in news upadtes ka vun langh ter lengmang lai.