BREAKING NEWS: Tuni Sunday ah Biden aa Pum Ve (VIDEO)

A voi 46 nak US President Thar Biden cu tuni ah aa pum ve. US President a si hnu in a voikhatnak aa pumh hi a si. Tuni Sunday ah a voikhatnak caah Biden hi White House in hla lo te i a ummi Holy Trinity Catholic Church, Washington ah aa pum. Biden hi RC (Catholic) biaknak a si. US President hna lakah a voi 2nak RC President a si.  

Tutan aa pumhnak biakinn hi US President a rak sibali John F Kennedy nih a rak i pumhnak biakinn kh a si. John F Kennedy hi US President lak i RC (Roman Catholic) hmasabik a si.  Biden hi amah lawng siloin afapa Hunter le a tu le pa hninh Finnegan, kum 21, le Maisy, kum 20 hna nih an telpi. Biakinn aa pumh pah hin mipi nih heh tiah an zoh. Video hi zoh. A tanglei ah a um lai.

Mipi nih heh tiah an rak lawmh. Lampi a kal lio ah mipi nih heh tiah bai bai an rak tuah. An rak conghlawmh len.

Tuni Biden aa pumhnak video hi van zoh.

Relchap: -Trump President in aa Dinh hnu ah a Holh Ve Cang:DONALD TRUMP President in aa dinh hnu ah Holh Ve Cang:  Trump President in aa dinh hnu ah remkhel (politics) kong ah a holh ve cang. Tutan a biachim hi US President Biden a tlin hnu, President in aa dinh hnu i a holh hmasabik a si. Trump hi Twitter, Facebook le Instagram i an kham hnu ah media hmai ah biachimphuannak a ngei kho ti lo. Ahmailei kong zeitin a si lai timi biahalnak cu hi ti hin lehnak a tuah hi a si. Tutan Biden US President thar a si hi a cohlan lo caah Biden lawmhnak puai zong ah khan a kal lo. Trump hi a umnak Office in aa dinh hnu ah a umnak hmun Mara Lago ah caan a hmang. Cu ka hmun i Trump International Golf Club ahcun biahalnak tuah a si. Tutan a ramkhel kong i a lungtlinlonak tampi kong ah bia hal a si i ‘ Thil zeimaw cu kan tuah te lai, asinain atu ahcun a si rih lo” tiah Washington Examiner tadinca cu chim. Trump thazaang petu lawng siloin amah hrimhrim zong a lung a tling bak lo. Cucaah thil zeimaw dek cu tuah aa tim ko ti a lang. Asinain zei set dah a si te lai timi belte a chim lo. Khat lei a Biden belte nih cun Trump nih aa dawh ngaimi ca a ka chiah tak tiah a chim ve. Souce: Daily Mail