Breaking News: US cu Tihnung Dirhmun a si rih caah Ralkap tam tak tak Washington D.C ah chiah an si Peng Rih Lai

Breaking News: US cu  Security caah tihnung Dirhmun a si rih caah US Ralkap 5000 tal cu March Thla tiang Washington D.C ah Chiah an si Rih Lai: US ram ventu ralkap thong tampi cu DC ah March thla cheu tiang cu chiah dawh an si rih. US Security caah tihnung dirhmun pakhat khat a chuak kho peng tiah nawlneitu lei nih an ralrin an pek. Tutan ralkap tampi an umnak hi January 6 US capitol buainak  hnu khan a si.

Ralrin le thinphan awk thil tete a um rih caah  US ram vengtu National Guard pawl hi DC ah umter peng rih an si. A tlawm bik ah Ralkap 5,000 cu Wahsington DC ah hin March thla cheu tiang an um rih lai. An tam tak tak. 

A D.C. homeland security official lei nih an chim ning ah “ Kan iruah ning ah a ra laimi ah Security a herh tak takmi itonnak pipa (event) a um rih lai” tiah a chim. Tutan US Capitol le pawngkam DC ah ralkap hi tam tak tak chiah an si. January 6 i US capitol i buainak a chuah hnu khan ralkap pawl hi ventu dingin chiah an si. Cozah nawlneitu pawl itonnak pipa um ngai dawh a si rih caah venhimnak tha te tuah an itimh hi  a si.

Asinain hi ralkap pawl hi ih nak le um nak huaha neilo in mawttaw parknak hna i an ih caah State 4 hna i Gonvernor hna nih cun an State ralkap pawl hi kir cang dingin nawlnak an tuah. A tlawm bik ah ralkap 5000 tal cu buainak pakhat khat a chuah sual ah tiah Washington D.C. ah March thla cheu tiang hrawng cu chiah an si rih lai. Source: Daily Mail

Relchap:- Tuni Sunday ah Biden aa Pum Ve 

A voi 46 nak US President Thar Biden cu tuni ah aa pum ve. US President a si hnu in a voikhatnak aa pumh hi a si. Tuni Sunday ah a voikhatnak caah Biden hi White House in hla lo te i a ummi Holy Trinity Catholic Church, Washington ah aa pum. Biden hi RC (Catholic) biaknak a si.

US President hna lakah a voi 2nak RC President a si.  Tutan aa pumhnak biakinn hi US President a rak sibali John F Kennedy nih a rak i pumhnak biakinn kh a si. John F Kennedy hi US President lak i RC (Roman Catholic) hmasabik a si.  Biden hi amah lawng siloin afapa Hunter le a tu le pa hninh Finnegan, kum 21, le Maisy, kum 20 hna nih an telpi. Biakinn aa pumh pah hin mipi nih heh tiah an zoh. Source: Daily Mail